«Стаіць больш за тры гадзіны без святла і ацяплення». Цягнік Мінск — Гомель спыніўся пасярод свайго шляху
Чытач выдання «Анлайнер» па імені Максім паведаміў, што цягнік, які ідзе з Мінска ў Гомель, ужо тры гадзіны стаіць на шляхах без руху.
«Святла няма, ацяпленне выключана. Затрымаліся каля Асіповічаў», ― піша мужчына.
Праблема, мяркуючы па інфармацыі з афіцыйных крыніц — тэхнічная. Як піша БелТА са спасылкай на прэс-службу Беларускай чыгункі, адбыўся абрыў кантактнай сеткі на перагоне Пухавічы ― Талька.
«Цягнік №758 Мінск — Гомель адпраўленнем з Мінска ў 17:24 стаіць з затрымкай арыенціровачна 3 гадзіны. Цягнік №6927 Талька — Мінск будзе прытрымлівацца спалучэння Пухавічы — Мінск. Час адпраўлення са станцыі Пухавічы — 20:13. Таксама магчымыя затрымкі іншых цягнікоў, якія курсуюць на ўчастку Мінск ― Гомель, арыенціровачна да 20 хвілін», ― гаворыцца ў паведамленні.
У гутарцы з карэспандэнтам «Анлайнера» пасажыр цягніка паведаміў, што ў 21:45 састаў яшчэ не рухаўся.
«Апошні раз на маніторы было плюс 17 градусаў, гэта было каля 1-1,5 гадзіны таму», ― расказвае мужчына пра тэмпературу ў вагоне.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары