Улады Малдовы вырашылі не плаціць «Газпраму» доўг памерам 709 млн даляраў
Малдова будзе вымушаная звярнуцца да Еўракамісіі па дапамогу ў пошуку кампраміснага рашэння для стабільнага газазабеспячэння краіны, калі Украіна спыніць транзіт газу, заявіў віцэ-прэзідэнт праўлення кампаніі «Малдовагаз» Вадзім Чэбан у эфіры N4, піша РБК.
«Ключавымі рызыкамі для працягвання транзіту праз Украіну з'яўляюцца як неахвота Кіева працягваць дамову па транзіце, так і ваенныя дзеянні <…> У выпадку працягвання няпэўнасці Малдова будзе вымушаная звярнуцца да Еўракамісіі па дапамогу ў пошуку кампраміснага рашэння для стабільнага газазабеспячэння краіны», — сказаў ён.
Чэбан дадаў, што калі Украіна не працягне пагадненне на транзіт газу, Малдова будзе шукаць альтэрнатыўныя шляхі праз трансбалканскі калідор. Ён падкрэсліў важнасць падпісання аператарскіх пагадненняў паміж «Газпрамам», украінскім «Нафтагазам» і аператарамі газатранспартных сістэм.
Прэм'ер-міністр краіны Дорын Рэчан, у сваю чаргу, заявіў у інтэрв'ю, што Малдова не мае намеру выплачваць «Газпрому» «няісную» запазычанасць у памеры 709 млн даляраў.
«Газпрам» спрабуе ўмоўна працягнуць пастаўкі з выплатаю няіснага доўгу. Мы не збіраемся аплачваць гэтую запазычанасць», — заявіў прэм'ер.
Паводле яго слоў, улады маюць намер забяспечыць энергетычную бяспеку краіны, але без прыняцця ўмоў, якія закранаюць нацыянальныя інтарэсы.
Каментары