Ці можна пакідаць гірлянду ўключанай на ноч, распавялі ў МНС.
Пажарныя заклікаюць абавязкова выключаць гірлянды на ноч і ў той час, калі дома нікога няма. Пры рэзкім перападзе напружання можа адбыцца кароткае замыканне і ўзгаранне.
Пры выбары навагодніх упрыгожанняў варта звяртаць увагу на назву, вытворцу, фірму, дапушчальную магутнасць і напружанне, прызначэнне (гэта значыць, ці можна выкарыстоўваць гірлянду для ўпрыгожвання ялінкі), а таксама яе даўжыню.
Нельга выкарыстоўваць гірлянды з пашкоджанымі правадамі або без лямпачак. На бяспеку ўпрыгожання ўплывае нават тое, наколькі надзейна замацавана ялінка: калі яна пачне падаць і пацягне правад, можа адбыцца замыканне.
Калі хочаце, каб ваша ялінка была ярчэйшай, чым у суседа, не варта абмотваць яе некалькімі гірляндамі і адначасова ўключаць іх у сетку. Дастаткова набыць адну магутную, каб не справакаваць перагрузку электрычнай сеткі і, у выніку, пажар.
Цяпер чытаюць
Дырэктарка эталоннага калгаса ў Добрушы 12 гадоў хавала падзеж і збівала падначаленых. Аднаго спрабавала накарміць сіласам11
Каментары