Грамадства99

Выйшла на свабоду Антаніна Канавалава, давераная асоба Ціханоўскай у 2020 годзе

Пра вызваленне Антаніны Канавалавай напісала ў фэйсбуку яе маці, Ганна Канавалава. Жанчына была асуджаная да 5 з паловай гадоў пазбаўлення волі.

Антаніна Канавалава

«Сёння — самы шчаслівы дзень у нашым жыцці. Мая дачушка нарэшце выйшла на волю!» — напісала Ганна Канавалава.

«Дзеці так моцна сумавалі па маме. Кожнае іх слова, кожная слязінка ў вачах разбівалі сэрца, але я заўсёды верыла, што гэты дзень надыдзе», — дадала яна.

Антаніна Канавалава выйшла на волю датэрмінова, па памілаванні, указ аб якім Лукашэнка падпісаў 9 снежня.

Антаніна Канавалава на выбарах 2020 года была даверанай асобай Святланы Ціханоўскай. Яна была затрыманая 6 верасня 2020 года і асуджаная ў адміністрацыйным парадку на 40 базавых велічынь штрафа за ўдзел у несанкцыянавым мерапрыемстве. Аднак пасля суду жанчыну не адпусцілі, а перазатрымалі ў межах крымінальнай справы, звязанай з дзейнасцю тэлеграм-канала «Армія з народам».

У пачатку кастрычніка 2020 года па справе аб удзеле ў групавых дзеяннях, што груба парушаюць грамадскі парадак, быў затрыманы і муж Антаніны Сяргей Ярашэвіч. Пасля мужа і жонку судзілі разам.

7 мая 2021 года ў Мінскім абласным судзе былі вынесеныя прысуды фігурантам справы па телеграм-канале «Армія з народам». 

Антаніна Канавалава была па ёй асуджаная да пяці з паловай гадоў пазбаўлення волі ў калоніі агульнага рэжыму. Пасля яе ўключылі ў спісы асоб, датычных да «экстрэмісцкай» і «тэрарыстычнай» дзейнасці. 

У зняволенні Антаніна атрымала інваліднасць 3-й групы па зроку. 

Яе муж Сяргей Ярашэвіч быў асуджаны спачатку таксама да 5,5 гадоў зняволення, але пасля яму на новым судзе дадалі да гэтага тэрміну яшчэ 9 месяцаў. Пакуль ён застаецца за кратамі.

У Антаніны Канавалавай і Сяргея Ярашэвіча двое дзяцей: Насці цяпер восем гадоў, а Ваню — дзесяць. Увесь час зняволення бацькоў дзецьмі апякуецца мама Антаніны Канавалавай Ганна, яна жыве з унукамі ў Польшчы.

Каментары9

  • Марита
    15.12.2024
    Когда очередная новость про мелкозерова? Давно не писали )))
  • Янка
    15.12.2024
    SHOS, ў народзе гэтае племя завуць проста менты, нічога новага і ўсем панятна
  • Дэм сілы - гэта сіла!
    15.12.2024
    Боты, Святлана Ціханоўская сваіх не кідае! Дзякуй за кругласуткавую працу па вызваленні нашых палітзняволеных Франаку Вячорку, Валеру Кавалеўскаму, Вользе Гарбуновай, Марыі Мароз, Паўлу Латушку, Ангеліне Мельнікавай і Андрэю Стрыжаку. Вашыя галасы ў Еўрапарлямэнце і ў Стратэгічным дыялозе з ЗША нарэшце пачутыя.
    Рушым далей!

Цяпер чытаюць

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам

Усе навіны →
Усе навіны

Падводны дрон падпарадкаваўся аператару па адлегласці 16 тысяч кіламетраў1

Што вядома пра крылатую ракету «Фламінга». Ці дастане яна да Масквы і вытворчасцяў шахедаў?7

Жанчына пашкадавала каня ў парку «Сула» і пачала кампанію ў яго абарону. Ёй адказалі3

Трамп запытаўся ў Орбана, чаму ён блакуе ўступленне Украіны ў Еўрасаюз7

Эйсмант: Беларусь гатовая арганізаваць сустрэчу Пуціна і Зяленскага11

«Набірала ваду з унітазнага бачка для гатавання, мыцця». Ганна Бонд шчыра расказала пра цяжкае дзяцінства34

Трамп заклікаў Пуціна «быць рэалістам» пры абмеркаванні ўкраінскіх тэрыторый8

УСУ ўдарылі па цягніку з палівам у акупаванай Запарожскай вобласці1

У самым паўночным горадзе Швецыі перавозяць на іншае месца больш чым стогадовую царкву2

больш чытаных навін
больш лайканых навін

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2

Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам

Галоўнае
Усе навіны →

Заўвага:

 

 

 

 

Закрыць Паведаміць