Індэкс папулярнага навагодняга салата лічылі ўрадавым камітэтам.
Індэкс аліўе ў Беларусі сёлета адмоўны, то-бок салат патаннеў, паведаміў прэм’ер-міністр Раман Галоўчанка. Ён расказаў, што інгрэдыенты для стравы нядаўна палічылі ўрадавым камітэтам і прыйшлі да нечаканай высновы, піша «Спутнік».
«Атрымалася даволі нечаканая лічба. У нас сёлета індэкс аліўе адмоўны, гэта значыць, аліўе сёлета патаннеў», — заявіў Галоўчанка ў інтэрв’ю тэлеканалу «Беларусь 1».
Прэм’ер мяркуе, што дэфляцыя звязана з тым, што цяпер многія асноўныя інгрэдыенты, такія як маянэз, зялёны гарошак і іншыя, знаходзяцца на акцыях і распродажах.
«У мінулым годзе набор для тыповага аліўе каштаваў 13 рублёў 80 капеек. Сёлета ён каштуе 13 рублёў 44 або 45 капеек. То-бок, цалкам прымальная лічба», — канстатаваў кіраўнік урада.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м88
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары