На часова акупаванай тэрыторыі Запарожскай вобласці сіламі ўкраінскай разведкі былі ліквідаваныя начальнік штаба расійскага батальёна «Шторм.Асеція» Сяргей Мельнікаў з пазыўным «Кама» і ягоны кіроўца. Пра гэта паведаміла Галоўнае ўпраўленне разведкі Міністэрства абароны Украіны.
«29 снежня 2024 года на трасе Васільеўка — Токмак ваяры разліку FPV падраздзялення актыўных дзеянняў ГУР МА Украіны «Кракен» ліквідавалі начальніка штаба батальёна «Шторм.Асеція»(штурмавое падраздзяленне ў складзе 429-га мотастралковага палка УС РФ) Сяргея «Кама» Мельнікава і ягонага кіроўцу», — сказана ў паведамленні.
Адзначаецца, што перад тым разведчыкі дэпартамента актыўных дзеянняў ГУР атрымалі аператыўную інфармацыю, якая ўтрымлівала дэталі маршруту і графік перамяшчэння Мельнікава.
Украінскія аэраразведчыкі спланавалі для расійскага вайскоўца FPV-засаду.
«Спачатку аператары дронаў па-майстэрску перапалохалі кіроўцу аўтамабіля УАЗ «Патрыёт», у якім знаходзіўся Мельнікаў. Напалоханы расійскі шафёр рэзка змяніў траекторыю руху, машына вылецела ў кювет, а далей вайсковыя разведчыкі ўдарылі дронам-камікадзэ ў лабавое», — расказалі ў ГУР.
Адзначаецца, што абодва расійскія вайскоўцы знішчаныя.
ГУР паведаміла пра падрыў расійскага вайскоўца, датычнага да ракетных удараў па Украіне
«Я думаў, што рускія хутка перамогуць, але выйшла, як заўсёды». Споведзь ідэйнага расійскага шпіёна, які атрымаў ва Украіне пажыццёвае
Каб вярнуць сваіх салдат з палону, Украіна гатова мяняць іх нават на калабарантаў і парэшткі савецкага разведчыка
ВСУ начали новое наступление в некоторых районах Курской области
Каментары