Свет99

Прэм'ер Славакіі пасля паездкі да Пуціна паехаў адпачываць у шыкоўны в'етнамскі гатэль

Прэм'ер-міністр Славакіі Роберт Фіца адразу пасля сустрэчы з Уладзімірам Пуціным у Маскве ў канцы снежня апынуўся ў В'етнаме, высветлілі журналісты славацкага выдання Dennikn. Палітык спыніўся ў нумары, ноч у якім каштуе 6203 еўра. Невядома, колькі начэй ён правёў там, але яго месячнага заробку не хапіла б і на дзве ночы ў гэтым нумары.

Зварот Роберта Фіца на фоне гатэльнага антуража. Калаж: Dennikn

Афіцыйнай інфармацыі пра месцазнаходжанне Фіцы не друкавалася з моманту яго візіту ў Маскву 22 снежня. Пасля гэтага ён толькі публікаваў у сацсетках відэаролікі, па якіх не было зразумела, дзе ён знаходзіцца.

У апошнім такім роліку Фіца крытыкаваў прэзідэнта Украіны Уладзіміра Зяленскага і называў прыпыненне транзіту расійскага газу «сабатажам» з ягонага боку.

Акурат па гэтым роліку журналісты і змаглі вызначыць, дзе знаходзіцца прэм'ер. Ён быў запісаны ў самым раскошным люксе пяцізоркавага гатэля Capella Hanoi-Grand Opera Madam Butterfly, піша Dennikn.

Нумар, у якім жыве Роберт Фіца, мае плошчу 194 квадратных метра з пазалочанай ваннай, мармуровым джакузі, сталом на дзесяць гасцей і прыватнай тэрасай. Ноч у такім нумары разам з падаткамі і зборамі каштуе 6203 еўра.

Афіцыйны заробак Фіца пасля таго, як у лютым 2024 года ён павялічыў яго амаль у два разы, складае 11,2 тысячы еўра ў месяц.

Журналісты Dennikn патэлефанавалі ў Capella Hanoi і папрасілі звязаць іх з Робертам Фіцам, які павінен быў спыніцца ў гатэлі. Супрацоўнік гатэля адразу ж перавёў званок у нумар, але трубку там не ўзялі. У гатэлі сказалі, што госця, верагодна, не было ў нумары і прапанавалі ператэлефанаваць пазней.

Каментары9

  • 1
    05.01.2025
    Дзе шмат схаваных камер для вытворчасці кампрамату. Мулатачкі, кокс – усё уключана.
  • Бывалы
    05.01.2025
    Там в люксовом номере отеля, кроме кремлевских денег, еще должны быть и русские эскортницы.
  • Кокс
    05.01.2025
    Почитал положительные отзывы Веремейчика
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»

Усе навіны →
Усе навіны

«Паказваеце сваё грэблівае стаўленне да людзей». Бондарава асудзіла істэрыку Азаронка і Пуставога, выкліканую праблемамі з бульбай15

Германія павялічыць выдаткі на абарону больш, чым удвая4

Новы Папа гуляе ў тэніс кожны тыдзень — у яго магутная падача2

З беларускіх крамаў знікла цыбуля. А што здарылася?20

Айцішніца, якая вярнулася з эміграцыі, пахвалілася, што ідзе выступіць на АНТ — у каментарах адкрыўся партал у пекла64

У цэнтры Мінска зачыніўся рэстаран «на мільён»3

Адміністратарку беларускай Вікіпедыі кінулі на суткі6

Польскія памежнікі заявілі, што з беларускага боку мігрантам дапамагалі людзі ў форме2

У двары з’явіцца басейн. Якія навінкі чакаюць грамадскія лазні Мінска

больш чытаных навін
больш лайканых навін

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13

Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»

Галоўнае
Усе навіны →

Заўвага:

 

 

 

 

Закрыць Паведаміць