Андрэй Кашперскі здымае фільм жахаў «Суд мёртвых» па матывах беларускіх судоў
Рэжысёр Андрэй Кашперскі, адзін са стваральнікаў серыялу «Працэсы», зняў кароткаметражны хорар «Judgment of the Dead» («Суд мёртвых») з Зояй Белахвосцік у галоўнай ролі. Цяпер бярэцца за поўны метр пад той жа назвай, піша «Белсат».
Адзін са стваральнікаў серыялу «Працэсы» і суаўтар праекту «ЧынЧынЧэнал» рэжысёр Андрэй Кашперскі зняў кароткаметражны хорар «Judgment of the Dead» («Суд мёртвых») з Зояй Белахвосцік у галоўнай ролі. У размове з «Белсатам» ён распавёў, што кароткі метр — толькі пачатак шляху: чакаем поўнаметражнага фільму жаху пад той жа назвай.
— Усё проста: гэты фільм пра рэальны закон, прыняты ў Беларусі ў 2023 годзе, паводле якога можна цяпер судзіць мёртвых. У нашай кароткаметражцы мы гэты закон троху «дакруцілі». Галоўная гераіня — суддзя Аляксандра Драгун, не проста судзіць мёртвых, а судзіць іх, каб адабраць іхную нерухомасць. Ну і ў нейкі момант памерлыя паўстаюць, каб пераследаваць суддзю Аляксандру… Напэўна, толькі гэта і магу распавесці, каб не спойлерыць, — кажа Кашперскі.
Ён распавядае, што з суаўтарам Міхаілам Зуём яны зрабілі ужо першы драфт і зараз працуем над другім.
— Перапрацоўваем структуру, дадаём новых персанажаў. Гэта працэс, які не спыніцца аж да канца здымачнага перыяду, да канца мантажу. Прыдумваем дадатковыя рэплікі, штосьці пераагучваем, дадаём цітры і гэтак далей. Сцэнар дапілоўваецца вельмі доўга. Але гэтак яно адбываецца, як правіла, ва ўсіх фільмах сусветнай індустрыі, — распавядае Кашперскі.
Галоўная гераіня 15-хвіліннай кароткаметражкі — суддзя Аляксандра Дзмітрыеўна Драгун у выкананні Зоі Белахвосцік. А вось гераіняй поўнаметражнага фільму плануюць зрабіць яе дачку — таксама суддзю Дзіяну Драгун.
— Судзейства — іх сямейная справа. І мы хочам праз гісторыю маці перайсці да гісторыі дачкі і да іх узаемаадносінаў. І я вельмі і вельмі спадзяюся, што Дзіяну сыграе дачка Зоі Белахвосцік акторка Валянціна Гарцуева. Прынамсі мы ўжо распавялі ёй, што пішам сцэнар пад яе і для яе. Ці ўдасца яе залучыць — пытанне, бо ўсякае бывае, і не трэба забывацца, у якіх абставінах мы жывём. Але маем вялікае жаданне, каб менавіта Валянціна Гарцуева ўзяла ўдзел у нашым праекце, — дадае Кашперскі.
-
10 еўрапейскіх фільмаў, якія пакажуць на кінафестывалі «Паўночнае ззянне». Некаторыя будуць ісці бясплатна анлайн
-
«Непаслухмяныя» (Wayward) — страшны серыял пра школу, ад якога не адарвацца
-
Газлайтынг, жанчына ў бядзе і гімн смелай журналістыцы. Чаму варта паглядзець новы хіт Netflix «Жанчына з каюты №10»
Цяпер чытаюць
Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду7
Каментары