Свет99

91-гадовы прэзідэнт Камеруна выставіў сваю кандыдатуру на новы тэрмін

Прэзідэнт Камеруна Поль Бія афіцыйна выставіў сваю кандыдатуру для ўдзелу ў выбарах кіраўніка дзяржавы, якія павінны адбыцца 12 кастрычніка. Гэта будуць для яго восьмыя выбары, а ўвогуле кіруе краінай ён з 1982 года.

Прэзідэнт Камеруна Поль Бія. Фота: Lintao Zhang / Pool Photo via AP

Канстытуцыя Камеруна не абмяжоўвае колькасць тэрмінаў і ўзрост кіраўніка дзяржавы, а выбіраецца там прэзідэнт на 7 гадоў.

13 лютага Полю Бія споўніцца 92 гады, і ён цяпер — найстарэйшы дзейны кіраўнік дзяржавы на планеце. Наступныя за ім — 89-гадовы кароль Саудаўскай Аравіі Салман ібн Абдул-Азіз ібн Абдуррахман ібн Фейсал Аль Сауд і 88-гадовы папа рымскі і кіраўнік карлікавай дзяржавы Ватыкан Францішак. Ёсць, праўда, яшчэ 89-гадовы прэзідэнт Палесціны Махмуд Абас, але статус гэтай краіны як суверэннай дзяржавы і суб'екта міжнароднага права, як вядома, сумнеўны.

Што да Поля Бія, то ён з часоў набыцця Камерунам незалежнасці ў 1960 годзе толькі другі кіраўнік гэтай краіны. Перад ім 22 гады нязменна кіраваў Ахмаду Ахіджа, пры якім Бія з 1975 года быў прэм'ер-міністрам. Пасля аднак, нібыта па стане здароўя ён правёў транзіт улады, 4 лістапада 1982 года перадаўшы яе Полю Бія. 

Свайго папярэдніка Бія ўжо праз год адусюль адсунуў і абвінаваціў у падрыхтоўцы вайсковага перавароту. У сувязі з гэтым Ахмаду Ахіджа мусіў падацца ў эміграцыю, а на радзіме быў завочна асуджаны да смяротнага пакарання, замененага на пажыццёвае зняволенне. У 1989 годзе ён памёр у сталіцы Сенегала Дакары, а праз два гады Бія яго афіцыйна рэабілітаваў і нават ушанаваў. Цяпер, напрыклад, іменем Ахмаду Ахіджа называецца стадыён у сталіцы Камеруна Яўндэ.

А Поль Бія ад таго фатальнага для Ахмаду Ахіджа транзіту так сваіх пальцаў і не расціскае.

Па агульным тэрміне знаходжання пры ўладзе ён цяпер, дарэчы, саступае толькі 78-гадоваму каралю Швецыі Карлу XVI Густаву, які на троне з 15 верасня 1973 года, і 82-гадоваму прэзідэнту Экватарыяльнай Гвінеі Тэодора Абіянг Нгема Мбасога, які на пасадзе з 3 жніўня 1979 года. Калі ж браць пад увагу, што шведскі кароль кіраўнік краіны толькі фармальна, то сярод рэальных кіраўнікоў Поль Бія на цвёрдым другім месцы. 

Як ні дзіўна, але з іншым палітычным доўгажыхаром, Аляксандрам Лукашэнкам, прэзідэнт Камеруна пакуль што шчыльных кантактаў не навязаў. Магчыма, таму, што камерунскі рэжым усё ж яшчэ з часоў Халоднай вайны быў арыентаваны на захаванне добрых адносін з Захадам і цяпер Поль Бія — кіраўнік не прарасійскі. Зрэшты, з Тэодора Абіянгам Нгема Мбасога да пазамінулага года ў Лукашэнкі таксама асаблівых кантактаў не было, таму, магчыма, і з Полем Бія яшчэ таксама ўсё наперадзе, тым больш улічваючы цяперашнюю вялікую ўвагу да афрыканскага вектара. 

На апошніх выбарах у 2018 годзе вынік Поля Бія, дарэчы, быў даволі «прыстойны» як для афрыканскага дыктатара з такім стажам — «усяго» 71,28%. Але, вядома, пра свабоднасць і дэмакратычнасць гэтых выбараў казаць не даводзіцца. 

Каментары9

  • даведка
    26.01.2025
    Лукашенко, конечно, совесть не позволит так долго держаться за власть, поэтому завтра к ночи всё ограничится объявлением предварительных результатов в 91%.
  • Глузды
    26.01.2025
    Напярэдадні "выбараў" у Беларусі такія навіны толькі і посціць :)))
  • нідаверчывы вілейчук
    26.01.2025
    не дай бог нам такога шчасця

Анжаліка Мельнікава тыдзень правяла на Шры-Ланцы і вылецела з дзецьмі ў Дубай37

Анжаліка Мельнікава тыдзень правяла на Шры-Ланцы і вылецела з дзецьмі ў Дубай

Усе навіны →
Усе навіны

На парадзе ў Мінску паказалі зенітны комплекс на шасі МАЗ, які выкарыстоўвае Расія ва Украіне3

У Егіпце перакуліўся аўтобус з турыстамі з Беларусі, Расіі і Казахстана

У Мінску прайшоў вайсковы парад у гонар 80-годдзя перамогі над Германіяй10

У Пакістане думаюць, што для іх у Беларусі будуць 198 тысяч вакансій1

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад9

Гіркін назваў магчымыя кірункі наступных украінскіх удараў6

У Мінску ўжо з'явілася новая сіняя разметка1

На парад у Гродне вывелі казу. З ёй аказалася складаней, чым з людзьмі ВІДЭА10

Што вядома пра беларуса Андрэя Сакалоўскага-Станкевіча, якога арыштавалі ў Расіі і абвінавачваюць у падрыхтоўцы дыверсіі2

больш чытаных навін
больш лайканых навін

Анжаліка Мельнікава тыдзень правяла на Шры-Ланцы і вылецела з дзецьмі ў Дубай37

Анжаліка Мельнікава тыдзень правяла на Шры-Ланцы і вылецела з дзецьмі ў Дубай

Галоўнае
Усе навіны →

Заўвага:

 

 

 

 

Закрыць Паведаміць