Мінгандлю прапануе скараціць рэкламу ў прайм‑тайм на TV і паменшыць іх гук
Міністэрства гандлю Беларусі прапануе ўнесці шэраг дапаўненняў у закон аб рэкламе. Пра гэта на прэс‑канферэнцыі 10 сакавіка паведаміла намеснік міністра гандлю Ірына Наркевіч.
«Многіх грамадзян хвалюе пытанне гучнасці рэкламных ролікаў на тэлебачанні», — адзначыла яна. Прапануецца ўнесці норму ў закон аб рэкламе, паводле якога гук у рэкламных роліках павінен быць ніжэйшы за сярэдні гук тэлеперадачы на 10 дэцыбелаў.
Таксама прапануецца скараціць рэкламны блок у прайм‑тайм з 18 да 16 хвілін за гадзіну. Акрамя гэтага будзе вызначаны прамежак часу паміж рэкламнымі блокамі — не менш як 12 хвілін.
Анонсы перадач і фільмаў прапануецца размяшчаць не ў рэкламным блоку, а паміж перадачамі.
Прадстаўнік Мінгандлю адзначыла, што ў новай рэдакцыі закона аб рэкламе, прынятага летась, рэгламентуецца і правядзенне рэкламных гульняў. Так, забароненыя гульні, якія стымулююць попыт на алкаголь, слабаалкагольныя напоі, лекі, тытунёвыя вырабы. Забаронена правядзенне тэлевіктарын, sms‑віктарын, гульняў з выкарыстаннем сродкаў сувязі.
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада9
Каментары