Лукашэнкаўскім спарынг-партнёрам ЦВК падарыла гарбату з малінавым варэннем
Чай з малінавым варэннем — вядомы мем ад Лукашэнкі.
Салодкія наборы з пакункаў гарбаты і слоічкаў джэму атрымалі былыя кандыдаты ў прэзідэнты пасля афіцыйнага падвядзення вынікаў выбараў ЦВК. Здымак апублікавала Ганна Канапацкая.
«Электаральны працэс быў няпростым выпрабаваннем для кандыдатаў і штабоў. Выбары прайшлі, але ўдзел у палітычным жыцці краіны мы не спыняем. Мы бяром невялікую паўзу. Падводзячы вынікі выбараў прэзідэнта-25, ЦВК парадаваў такімі прыемнымі дробязямі. Не толькі на памяць, але і для здароўя карысна. А сілы нам яшчэ спатрэбяцца!» — падпісала здымкі Канапацкая.
Гарбату ЦВК прэзентаваў з фантазіяй. «Альтэрнатыўнае адценне» — гэта напой з гібіскусам, малінай і чарэшняй. «Стратэгічная гармонія» — рамонкам і васільком. «Мажарытарны смак» — з чаборам, мятай і ягадамі.
Згодна з афіцыйнымі вынікамі ЦВК, Аляксандр Лукашэнка атрымаў 86,82% галасоў. Наступным па папулярнасці стаў варыянт «супраць усіх» — 3,6%. Кандыдаты, якія былі спарынг-партнёрамі Лукашэнкі, атрымалі ад 3,2% да 1,7%
Такі падарунак ад ЦВК можна лічыць сімвалічным. На адной з сустрэч з журналістамі Лукашэнка нечакана перавёў гутарку з вострага пытання і прапанаваў прысутным чай з малінавым варэннем. «Чай з малінавым варэннем» хутка стаў мемам.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары
І яны самі гэта дакладна ўсведамляюць.