Аўтамабілі з прабегам можна замовіць на Wildberries ужо ад сёння. Пакуль гэтая катэгорыя тавараў даступная толькі для жыхароў Масквы і Маскоўскай вобласці, але ў далейшым зона дастаўкі будзе пашырацца, паведаміў «Аўтастат».
Пастаўкай машын займаецца партнёр маркетплейса — кампанія Pango Cars, якая спецыялізуецца на продажы аўтамабіляў з прабегам ад дылераў. Умова набыцця — 100%-я перадаплата, пасля чаго аўтамабіль даставяць ва ўзгодненае з пакупніком месца.
Пакупнік таксама можа самастойна забраць аўто і ўсе дакументы з дылерскага цэнтра. Важна, што пасля агляду можна адмовіцца ад куплі. На ўсе прададзеныя машыны будзе дзейнічаць постгарантыйная падтрымка на асноўныя вузлы і агрэгаты на працягу года або 20 тыс. км прабегу.
На продаж цяпер прапануюцца аўтамабілі KIA, Renault, Volkswagen, Changan, Audi і іншыя маркі па цане ад $9,7 тыс.. Усе яны прайшлі перадпродажную падрыхтоўку і планавы тэхнічны агляд.
У 2024 годзе Wildberries запусціў продаж новых аўтамабіляў кітайскай маркі Chery, а таксама пачаў прадаваць пакет паслуг «Дапамога на дарозе» для аўтамабілістаў.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма3
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары