Пад Салігорскам мужчына прыйшоў у госці і збіў гаспадара патэльняй
Госць вырашыў заступіцца за гаспадыню перад яе сужыцелем.
Фота: vecteezy.com
Кампанія сяброў бавіла час за бутэлькай. У нейкі момант гаспадар дома, 63-гадовы пенсіянер, пасварыўся са сваёй сужыцелькай.
Бок жанчыны заняў 50-гадовы госць. Канфлікт перарос у бойку. У выніку госць збіў гаспадара патэльняй, паведамілі ў міліцыі Мінскай вобласці.
Пацярпелы звярнуўся па дапамогу да медыкаў, а тыя, убачыўшы незвычайныя траўмы, выклікалі сілавікоў.
На госця завялі крымінальную справу паводле артыкула аб наўмысным прычыненні менш цяжкага цялеснага пашкоджання. Яму пагражае да трох гадоў турмы.
Каментары