27-гадоваму жыхару штата Нью-Джэрсі пагражае пазбаўленне волі тэрмінам звыш 30 гадоў.
Падсудны Хадзі Матар, абвінавачаны ў замаху на забойства пісьменніка Салмана Рушдзі ў жніўні 2022 года, быў прызнаны вінаватым прысяжнымі ў судзе штата Нью-Ёрк, піша Бі-бі-сі.
27-гадоваму жыхару штата Нью-Джэрсі пагражае пазбаўленне волі тэрмінам звыш 30 гадоў.
У жніўні 2022 года Матар напаў з нажом на брытанска-індыйскага пісьменніка падчас лекцыі ў Чатакуа на захадзе штата Нью-Ёрк. Рушдзі выжыў, але ў яго пашкоджаная печань, адно вока ўжо не бачыць, а кісць рукі паралізаваная з-за пашкоджання нерва.
Справа разглядалася непадалёк ад месца злачынства ў раённым судзе Чатакуа.
Матара таксама прызналі вінаватым у нанясенні цяжкіх цялесных пашкоджанняў, бо ён параніў яшчэ і інтэрв’юера Генры Рыза, які знаходзіўся на сцэне разам з пісьменнікам. Падчас нападу Рыза атрымаў лёгкую траўму галавы.
Дата вынясення прысуда Матару прызначана на 23 красавіка.
Падчас судовага пасяджэання пісьменнік Салман Рушдзі ўспамінаў, як ён сядзеў на сцэне гістарычнага Інстытута Чатакуа, і нечакана заўважыў чалавека, які кінуўся на яго з правага боку. Успамінаючы гэты выпадак, ён сказаў, што яго ўразілі вочы нападніка, «якія былі цёмнымі і здаваліся вельмі свірэпымі».
Ён расказаў, што спачатку падумаў, што яго штурхнулі, а потым зразумеў, што яго ўдарылі нажом у правую шчаку і шыю. Агулам ён атрымаў 15 нажавых ран: у вока, шчаку, шыю, грудзі, тулава і сцягно.
Салман Рушдзі, нагадаем, гэта 77-гадовы індыйскі пісьменнік, які піша гістарычныя творы ў стылі магічнага рэалізму. У 1988 годзе ён напісаў раман «Сатанінскія вершы», у якім пераасэнсоўваў жыццё прарока Мухамеда. Гэты твор многія ісламісцкія рэжымы палічылі блюзнерскім і абвясцілі паляванне за творцам.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам14
Каментары