Vašynhton padtrymlivaje prava Hrenłandyi na samavyznačeńnie i z radaściu prymie jaje ŭ skład ZŠA ŭ jakaści 51-ha štata, pra heta zajaviŭ amierykanski prezident Donald Tramp.
«My pracujem z usimi bakami, kab damahčysia hetaha, tamu što Hrenłandyja važnaja nie tolki dla nacyjanalnaj, ale i dla mižnarodnaj biaśpieki», — zajaviŭ Tramp padčas zvarotu da Kanhresu.
ZŠA razhladajuć Hrenłandyju jak stratehična važnuju terytoryju i hatovyja inviestavać u jaje raźvićcio.
«Ja dumaju, my atrymajem Hrenłandyju tak ci inakš. My zabiaśpiečym vam biaśpieku, zrobim vas bahatymi i razam padymiem hety rehijon na vyšyni, pra jakija vy navat nie maryli», — skazaŭ jon.
Tramp zajaviŭ, što, niahledziačy na nievialikuju kolkaść nasielnictva, Hrenłandyja adyhryvaje klučavuju rolu ŭ pytańniach abarony i biaśpieki.
Tramp prapanoŭvaŭ kupić Hrenłandyju ŭ Danii jašče padčas svajho pieršaha prezidenctva. U studzieni jon admoviŭsia vyklučyć vykarystańnie vajskovaj ci ekanamičnaj siły, kab atrymać kantrol nad joj i Panamskim kanałam. Taksama prezident ZŠA pryhraziŭ Danii pošlinami «na vielmi vysokim uzroŭni», kali jana nie pahodzicca supracoŭničać u pytańni pieradačy Hrenłandyi.
Najbujniejšy vostraŭ śvietu ŭ mnohich adnosinach staŭ zajmać centralnaje miesca ŭ hieapalityčnaj i hieaekanamičnaj kankurencyi, u tym liku praź źmienu klimatu, adznačaje prafiesar Džef Dabiełka, jaki zajmajecca pytańniami ekałohii i biaśpieki ŭ Univiersitecie štata Ahaja. Zapasy redkaziamielnych mietałaŭ u Hrenłandyi Hieałahičnaja słužba ZŠA aceńvaje ŭ 1,5 młn ton; u samich Złučanych Štatach ich tolki krychu bolš — 1,8 młn ton.
U studzieni Tramp zajaviŭ žurnalistam, što, na jahonuju dumku, Vašynhton usio ž taki atrymaje kantrol nad Hrenłandyjaj. «Ja dumaju, my jaje atrymajem«, — skazaŭ jon, dadaŭšy, što 57 000 žycharoŭ vostrava «chočuć być z nami».
Na samim vostravie ź im zhodnyja daloka nie ŭsie. Hrenłandcy «nie chočuć być amierykancami», zajaviŭ Mute Ehiede, premjer-ministr vostrava, jaki, budučy aŭtanomnaj terytoryjaj Danii, pravodzić samastojnuju ŭnutranuju palityku. Raniej Ehiede kazaŭ, što jahonyja žychary chočuć zdabyć poŭnuju niezaležnaść.
Premjer-ministr Danii Miete Frederyksen taksama zajaŭlała, što «Hrenłandyja nie pradajecca i nie budzie pradavacca».
-
U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom
-
U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik
-
Stralba ŭ chmaračosie na Manchetanie: zabityja čatyry čałavieki, strałok zastreliŭsia
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik9
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje33
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje3
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary