Міністр унутраных спраў і адміністрацыі Польшчы, каардынатар спецыяльных службаў Томаш Семоняк працягнуў забарону на знаходжанне ў памежнай з Беларуссю зоне на 90 дзён, паведамляе прэс-служба Памежнай службы. Пастанова ўступае ў сілу 10 сакавіка.
Пры гэтым падкрэсліваецца эфектыўнасць ранейшых абмежавальных мер у памежнай зоне:
«За амаль 267 дзён працы [буфернай зоны] колькасць спроб нелегальнага перасячэння польска-беларускай мяжы знізілася прыкладна на 46%. З 13 чэрвеня 2024 года па 6 сакавіка гэтага года зарэгістравана больш за 12,7 тысячы такіх спроб. За гэты ж перыяд, да ўвядзення зоны, іх было амаль 23,5 тысячы».
Шырыня забароненай зоны ў залежнасці ад участка вагаецца ад 200 метраў да 4 км ад мяжы. Міграцыйны крызіс на мяжы Беларусі з краінамі ЕС доўжыцца з вясны 2021 года.
У 2024 годзе па ўсёй Польшчы супрацоўнікі памежнай службы абвінавацілі ў арганізацыі і садзейнічанні незаконнай міграцыі 597 чалавек: 280 з Украіны, 87 з Польшчы, 50 з Беларусі і 30 з Грузіі. Часовае ўзяцце пад варту прымянілі ў дачыненні да 155 чалавек.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе23
Каментары