Памочнік Пуціна Патрушаў заявіў, што Расія бачыць пагрозу для сябе ў Балтыі. Дасталася і Фінляндыі
Памочнік кіраўніка Расіі Мікалай Патрушаў заявіў, што цяпер Расія бачыць пагрозу для сябе з боку НАТА ў Балтыйскім рэгіёне. Таксама ён нагадаў Фінляндыі, што тая «ўвогуле на працягу стагоддзя ўваходзіла ў склад Расійскай імперыі».
«Прагноз абстаноўкі на Балтыцы дазваляе звярнуць увагу на наўмыснае распальванне рэгіянальнай напружанасці з боку ваенна-марскіх сіл еўрапейскіх краін альянсу. Высокая верагоднасць далейшага ўзмацнення пагроз расійскай партовай інфраструктуры і свабодзе суднаходства», — расказаў пра пагрозы ў рэгіёне Патрушаў у інтэрв'ю часопісу «Нацыянальная абарона».
Патрушаў заявіў, што НАТА праводзіць палітыку блакавання Расіі ў Балтыйскім рэгіёне,
«грэбуючы аднаўленнем дыялогу паміж Масквой і Вашынгтонам».
Ён таксама сцвярджае, што абвастрэнне абстаноўкі «зрэжысаваная Лонданам, зацікаўленым у зрыве крокаў па нармалізацыі расійска-амерыканскіх адносін, а таксама перагавораў па Украіне».
Паводле яго слоў, «вайсковыя пагрозы будуць толькі ўзрастаць».
«Па наяўнай інфармацыі, іх ВМС плануюць узмацніць тэрарыстычную дзейнасць у дачыненні да расійскіх падводных трубаправодаў, танкераў і сухагрузаў», — прагназуе ён.
Патрушаў паабяцаў, што
«Расія не дапусціць замахаў на свае нацыянальныя інтарэсы ў Балтыйскім рэгіёне, нягледзячы на актыўныя намаганні новапрынятых у НАТА дзяржаў, якія літаральна са скуры лезуць, каб прадэманстраваць сваю лаяльнасць Захаду, не ўсведамляючы, у якую небяспечную гульню яны ўступаюць».
Відавочны намёк на Фінляндыю Патрушаў падмацаваў словамі, што «не варта таксама забываць», што тая «ўвогуле на працягу стагоддзя ўваходзіла ў склад Расійскай імперыі».
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары