Pamočnik Pucina Patrušaŭ zajaviŭ, što Rasija bačyć pahrozu dla siabie ŭ Bałtyi. Dastałasia i Finlandyi
Pamočnik kiraŭnika Rasii Mikałaj Patrušaŭ zajaviŭ, što ciapier Rasija bačyć pahrozu dla siabie z boku NATA ŭ Bałtyjskim rehijonie. Taksama jon nahadaŭ Finlandyi, što taja «ŭvohule na praciahu stahodździa ŭvachodziła ŭ skład Rasijskaj impieryi».
«Prahnoz abstanoŭki na Bałtycy dazvalaje źviarnuć uvahu na naŭmysnaje raspalvańnie rehijanalnaj napružanaści z boku vajenna-marskich sił jeŭrapiejskich krain aljansu. Vysokaja vierahodnaść dalejšaha ŭzmacnieńnia pahroz rasijskaj partovaj infrastruktury i svabodzie sudnachodstva», — raskazaŭ pra pahrozy ŭ rehijonie Patrušaŭ u intervju časopisu «Nacyjanalnaja abarona».
Patrušaŭ zajaviŭ, što NATA pravodzić palityku błakavańnia Rasii ŭ Bałtyjskim rehijonie,
«hrebujučy adnaŭleńniem dyjałohu pamiž Maskvoj i Vašynhtonam».
Jon taksama śćviardžaje, što abvastreńnie abstanoŭki «zrežysavanaja Łondanam, zacikaŭlenym u zryvie krokaŭ pa narmalizacyi rasijska-amierykanskich adnosin, a taksama pierahavoraŭ pa Ukrainie».
Pavodle jaho słoŭ, «vajskovyja pahrozy buduć tolki ŭzrastać».
«Pa najaŭnaj infarmacyi, ich VMS płanujuć uzmacnić terarystyčnuju dziejnaść u dačynieńni da rasijskich padvodnych trubapravodaŭ, tankieraŭ i suchahruzaŭ», — prahnazuje jon.
Patrušaŭ paabiacaŭ, što
«Rasija nie dapuścić zamachaŭ na svaje nacyjanalnyja intaresy ŭ Bałtyjskim rehijonie, niahledziačy na aktyŭnyja namahańni novapryniatych u NATA dziaržaŭ, jakija litaralna sa skury lezuć, kab prademanstravać svaju łajalnaść Zachadu, nie ŭśviedamlajučy, u jakuju niebiaśpiečnuju hulniu jany ŭstupajuć».
Vidavočny namiok na Finlandyju Patrušaŭ padmacavaŭ słovami, što «nie varta taksama zabyvać», što taja «ŭvohule na praciahu stahodździa ŭvachodziła ŭ skład Rasijskaj impieryi».
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?6
Kamientary