Грамадства2222

Беластоцкі эмігрант пахваліў прапагандысцкі фільм «Чужое неба», які нават не глядзеў — за 30 еўра

Цяпер прапагандысты смяюцца з Уладзіміра Лазарава і робяць выгляд, што ён даў ім асэнсаваны каментар пасля прагляду гэтага кіно.

Скрыншот з відэаводгуку Уладзіміра на фільм «Чужое неба»

У праўладных памыйных каналах апублікавалі відэаводгук на прапагандысцкі фільм «Чужое неба» ад бабруйскага актывіста Уладзіміра Лазарава, які цяпер жыве ў эміграцыі ў Беластоку.

Зрэшты, Лазараў быў і адным з герояў кіно. Яму яшчэ ў верасні 2024 года пазванілі ў тэлеграм «свае хлопцы, змагары з Вільні», якія папрасілі падрыхтаваць матэрыял для іх медыя. Але ні імёнаў, ні назвы гэтага медыя Уладзімір не запомніў і не ўдакладняў.

За чарговы эксклюзіў цяпер выдаецца «рэцэнзія» на фільм, якой Лазараў нібыта падзяліўся з дзяржаўнымі журналістамі пасля прэм’еры.

Насамрэч, гэты ролік Уладзімір адправіў заказчыкам зранку 18 сакавіка, прэм’ера ж фільма адбылася толькі ўвечары.

Як жа Уладзімір змог ацаніць фільм, які яшчэ не бачыў?

«Ну так, я яго не бачыў. Але па просьбе сказаў пару добрых словаў пра яго, — пракаментаваў «Нашай Ніве» Лазараў. — Гэта ж толькі праз суткі стала вядома, што са мной чэкісты размаўлялі. А тады [здавалася, што гэта] былі свае, апазіцыянеры. Мне проста даслалі тэкст і папрасілі яго агучыць на камеру».

За гэты водгук Уладзіміру ў той жа дзень перавялі 30 еўра (каля 100 беларускіх рублёў).

«Добрага мала, канечне, у тым, што так атрымалася, але я не раблю з гэтага трагедыі сусветную, каб лезці ў пятлю. Рознае здараецца: і на роўнай дарозе можна нагу зламаць іншым разам. Я потым паглядзеў, што мяне найбольш падкупіла: яны сказалі, што прадстаўляюць медыярэсурс Warta (сайт прыхільнікаў, Зянона Пазняка — НН). Я як даведаўся, што да чаго, адправіў ім смс-ку з мацернымі словамі. Яны прачыталі, што я пра іх думаю, але ў адказ нічога».

Каментары22

  • Бугай
    20.03.2025
    А што ў фільме непраўда?
    Што людзі самі па сябе выжываюць?
    Што ім фонды не дапамагалі? (толькоі зборы рабілі іне вядома куды грошы пайўлі)
  • Фактчэк
    20.03.2025
    Менавіта Пазняк і быў асноўнай мэтай рэжыму, каляофісных аператарак і актывістаў кішэннага ЕГУ.
  • Answer
    20.03.2025
    30 евро лишними не будут! Лучше потратить их в Żabkę, чем оставлять Гэбне.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

Усе навіны →
Усе навіны

У Жытоміры прагучаў моцны выбух1

«Ён міністр з часоў нараджэння Хрыстовага і яшчэ ні разу не сказаў нічога вартага». Марк Рутэ без дыпламатыі выказаўся пра Сяргея Лаўрова4

Экс-караля хіп-хопа P. Diddy апраўдалі па абвінавачванні ў гандлі людзьмі. Але яму ўсё адно пагражае 20 гадоў турмы

Генсак НАТА адрэагаваў на рашэнне ЗША прыпыніць частку вайсковай дапамогі Кіеву3

У вёсцы пад Оршай пры падрыхтоўцы да Дажынак знішчылі гістарычныя будынкі3

Санкцыйная палітыка адміністрацыі Трампа дазваляе Расіі папаўняць вайсковы бюджэт3

Муж Маргарыты Ляўчук быў паранены на фронце5

Зяленскі пазбавіў украінскага грамадзянства мітрапаліта УПЦ Ануфрыя5

На мінскай Камароўцы ў два разы патаннелі лісічкі

больш чытаных навін
больш лайканых навін

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту

Галоўнае
Усе навіны →

Заўвага:

 

 

 

 

Закрыць Паведаміць