Грузія традыцыйна моцная ў гэтым відзе спорту.
Прэзідэнт Грузіі Міхаіл Саакашвілі ўзнагародзіў чальцоў нацыянальнай зборнай па рэгбі і іх трэнера ордэнамі Гонару за перамогу ў суботнім матчы над камандай Расіі.
«Грузінскія заўзятары назвалі ўчорашні матч – матчам гонару. Хачу перадаць усім удзельнікам матчу ордэны Гонару», – сказаў прэзідэнт.
Акрамя таго, нароўні з прэміяй Федэрацыі рэгбі Грузіі рэгбісты атрымаюць дадатковую прэмію за перамогу. Таксама, паводле Саакашвілі, згодна з прынятым разам з мэрыяй рашэннем, будзе выдзелены ўчастак зямлі, на якім будзе пабудаваны дом для рэгбістаў.
«Хачу шчыра падзякаваць вам за тое, што вы зрабілі ў суботу», – сказаў Міхаіл Саакашвілі.
Прэзідэнт Грузіі сёння падпісаў новую прэзідэнцкую праграму развіцця рэгбі. У рамках гэтай праграмы будзе паскорана будаўніцтва стадыёнаў для рэгбі ў Батумі, Кутаісі, Тбілісі і Поці.
Летам у Батумі пройдзе турнір па рэгбі сярод камандаў краін прычарнаморскага басейна.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары