Спецпасланнік Трампа: Кіраўніцтва Украіны пагадзілася з правядзеннем прэзідэнцкіх выбараў
Спецпасланнік прэзідэнта ЗША Дональда Трампа Стыў Уіткаф заявіў, што лічыць неабходным правядзенне прэзідэнцкіх выбараў ва Украіне, і гэтае пытанне ўжо ўзгодненае. Пра гэта ён заявіў у інтэрв’ю амерыканскаму прапагандысту Такеру Карлсану, піша «Украінская праўда».
Падчас размовы Карлсан спытаў Уіткафа, ці варта чакаць выбараў ва Украіне. Спецпасланнік Трампа адказаў сцвярджальна і падкрэсліў, што адпаведнае рашэнне ўжо прынята.
«Так, вы маеце рацыю. Выбары будуць. Так, яны дамовіліся пра гэта. Ва Украіне будуць выбары», — паведаміў Уіткаф.
«Я думаю, што Зяленскі спрабуе зрабіць усё магчымае. Ён знаходзіцца ў вельмі, вельмі складаным становішчы, бо супрацьстаяць яму даводзіцца ядзернай дзяржаве, якая мае насельніцтва ў чатыры разы большае, чым у яго. І ён павінен разумець, што яго могуць знішчыць. Цяпер найлепшы час для яго, каб заключыць дамову. Прэзідэнт Трамп можа прапанаваць яму найлепшую магчымую дамову, якую ён калі-небудзь атрымае», — сказаў чыноўнік.
Таксама Уіткаф заявіў, што сустрэча Трампа і Пуціна адбудзецца ў найбліжэйшыя месяцы.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь3
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары
Бо зараз Расея наступае і навошта ёй вайну сканчаць?