Свет55

Арыштавалі ў Польшчы і дэпартавалі ў Кіеў украінскага палітолага, пастаяннага ўдзельніка расійскіх прапагандысцкіх шоу

Палітычны эксперт з пула алігарха Мядзвядчука накіроўваўся з Расіі ў Германію, каб атрымаць прэмію ад дэпутатаў Бундэстага.

Кірыл Малчанаў Kirill Molchanov Кирилл Молчанов
Фота: SBUkr / Telegram

Пра затрыманне палітолага Кірыла Малчанава стала вядома 31 сакавіка. Першым пра гэта ў сваім тэлеграм-канале паведаміў былы прэм’ер-міністр Украіны Мікалай Азараў. Ён жа напісаў, што палітолаг «займаўся сістэмным інфармаваннем еўрапарламентарыяў і дэпутатаў Бундэстага», а тыя «ў знак удзячнасці запрасілі яго ў Берлін для ўручэння прэміі і гранта.

Паводле інфармацыі з іншых крыніц, палітолаг паляцеў у Берлін транзітам праз Турцыю і Польшчу. У выніку, як паведамляе афіцыйны канал Службы бяспекі Украіны, у межах сумеснай аперацыі з Службай знешняй разведкі і праваахоўнымі органамі Польшчы, ён быў затрыманы.

СБУ адзначае, што гэта першая з пачатку паўнамаштабнага ўварвання перадача расійскага агента, які дзейнічаў супраць Украіны ў інфармацыйнай сферы.

«Зараз ён знаходзіцца ў адным з кіеўскіх СІЗА. Фігурантам справы з’яўляецца «палітычны эксперт» з медыйнага пула падазраванага ў дзяржаўнай здрадзе Віктара Мядзведчука. Паводле матэрыялаў справы, зламыснік быў завербаваны і працаваў адначасова на дзве спецслужбы краіны-агрэсара: ФСБ і знешнюю разведку Расію», — паведамляе СБУ.

Кірыл Малчанаў Kirill Molchanov Кирилл Молчанов
Фота: SBUkr / Telegram

Як вядома, Кірыл Малчанаў у 2022 годзе выехаў у Расію. Там ён стаў адным з ключавых ідэолагаў крамлёўскіх прапагандысцкіх праектаў «Дарагая Украіна» і «Голас Еўропы», частым госцем ток-шоу Салаўёва.

СБУ называе Малчанава арганізатарам вулічных акцый на тэрыторыі ЕС з заклікамі да згортвання міжнароднай падтрымкі Украіны. Палітолага таксама абвінавачваюць у публічных закліках да падрыхтоўкі заказных тэрактаў ва Украіне.

На падставе сабраных доказаў следчыя СБУ паведамілі Малчанаву аб падазрэнні ў здзяйсненні злачынстваў, звязаных з апраўданнем, прызнаннем правамернай, адмаўленнем узброенай агрэсіі Расіі супраць Украіны, гераізацыяй яе ўдзельнікаў і калабарацыянісцкай дзейнасцю (частка 3 артыкула 436-2 і частка 6 артыкула 111-1 Крымінальнага кодэкса Украіны). Яму пагражае да 12 гадоў турмы.

Каментары5

  • Answer
    01.04.2025
    Интересным персонажам Бундестаг выдает гранты!
  • Во як!
    01.04.2025
    Вось тебе і Германія. Вось табе і еўрапарламентарыі з дэпутатамі Бундэстага! Вось каму немцы прэміі раздаюць...
  • бабруйчанін
    02.04.2025
    В Украіне з " пула медведчука" Януковіча зараз шмат працуе на " офіс " на Зяленскага ..іванов петров гладкіх галаванаў... Адзінкі журналістаў экспертаў якія мелі засталіся з Рэпутацыяй. У сбУ дарэчы таксама ці крыху лепш...

Цяпер чытаюць

Крутога айцішніка, які вярнуўся з Грузіі, асудзілі па чатырох палітычных артыкулах8

Крутога айцішніка, які вярнуўся з Грузіі, асудзілі па чатырох палітычных артыкулах

Усе навіны →
Усе навіны

«Звольнілася пасля яго прапановы зрабіць пластыку грудзей». Жанчына расказала, як працавала асабістай памочніцай шэйха4

Міліцыянеры стралялі ў нагу вяскоўцу, які ішоў на іх з нажом2

Жанчына праглынула асу разам з газіроўкай і ледзь не памерла1

Зянковіч расказаў, як у СІЗА паклаў пад вядро газету з партрэтам Лукашэнкі і пісаў тлумачальную2

Ксяндза Генрыха Акалатовіча вярнулі ў калонію

Гэтай мінчанцы 17 гадоў, а яна ўваходзіць у топ-10 найлепшых хэндлераў Еўропы3

Кожныя два метры — пераход. Сюрпрыз для веласіпедыстаў у Мінску1

Сырскі папрасіў Трампа дапамагчы Украіне перанесці вайну на тэрыторыю Расіі7

Ва ўкраінскі палон трапіў 58-гадовы беларус, што ваяваў на баку Расіі8

больш чытаных навін
больш лайканых навін

Крутога айцішніка, які вярнуўся з Грузіі, асудзілі па чатырох палітычных артыкулах8

Крутога айцішніка, які вярнуўся з Грузіі, асудзілі па чатырох палітычных артыкулах

Галоўнае
Усе навіны →

Заўвага:

 

 

 

 

Закрыць Паведаміць