«Ужо сёлета плануецца выпусціць 20 мільёнаў манет наміналам 50 шагоў», — расказаў у інтэрв'ю кіраўнік Нацыянальнага банка Украіны Андрэй Пышны.
Наступны тыраж украінскіх манет будзе ўжо не ў капейках, а ў шагах. Старыя манеты таксама застануцца ў абарачэнні.
«Не будзе прымусовага вымання капейкі. Проста на замену будзе чаканіцца манета ўжо з назвай «шаг», — дадаў Пышны.
«Сімвалізм гэтага рашэння значна мацнейшы. Мы канчаткова вычышчаем з украінскага заканадаўства ўсё, што хоць неяк нас родніць з «Масквой». Усе грашовыя рэформы іншых краін пасля распаду Савецкага Саюза адбываліся кардынальна, на глыбінным узроўні, у кожнай былой рэспубліцы, нідзе не засталіся капейкі, акрамя Расіі і Беларусі.
Таму першы напрамак крытыкі — выдаткі — неактуальны. Другі — «не час». Ва Украіне цяпер велізарны запыт на аднаўленне нашай сапраўднай гісторыі і культуры. Мы змяняем назвы вуліц, мы разумеем, што ў нас ёсць уласныя гістарычныя, культурныя, палітычныя постаці. Мы сябе нібыта знаходзім нанова. І калі мне кажуць: «Не час», я пытаюся: «А калі час вяртаць сваё, калі не цяпер, скажыце?»», — сказаў кіраўнік Нацбанка Украіны.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню14
Каментары