У пятніцу курс еўра адносна даляра ЗША вырас да максімуму за тры гады, паколькі інвестары шукаюць бяспекі ў іншых валютах, адмаўляючыся ад долара ў адказ на рашэнні прэзідэнта ЗША Дональда Трампа па тарыфах.
Іншыя валюты краін G10 таксама ўмацаваліся адносна даляра, асабліва тыя, якія лічацца «бяспечнымі гаванямі», такія як швейцарскі франк і японская ена, піша Delfi.lv.
Еўра працягнуў рост, пераадолеўшы ў пятніцу падчас еўрапейскіх таргоў адзнаку 1,1450 даляра, што з’яўляецца самым высокім паказчыкам за апошнія тры гады.
Рост у асноўным абумоўлены зніжэннем курса даляра ЗША пасля таго, як Кітай у адказ павысіў тарыфы на амерыканскія тавары з 84% да 125%. Эскалацыя гандлёвай вайны паміж ЗША і Кітаем узмацняе рызыкі рэцэсіі ў ЗША, лічаць эксперты. Тым часам еўра працягвае атрымліваць падтрымку ад заявы Еўрапейскага саюза аб 90-дзённай паўзе ў тарыфных мерах у адказ супраць ЗША.
Інвестары чакаюць даных па індэксе цэн вытворцаў у ЗША за сакавік і справаздачы аб спажывецкіх настроях у Мічыгане, якія будуць апублікаваныя ў пятніцу. Таксама запланаваныя выступленні прэзідэнта Федэральнага рэзервовага банка Сэнт-Луіса Альберта Мусалема і прэзідэнта Федэральнага рэзервовага банка Нью-Ёрка Джона Уільямса, якіх інвестары будуць уважліва слухаць.
Калі справаздачы пакажуць лепшыя, чым чакалася, вынікі, гэта можа павысіць курс даляра і абмежаваць рост курса еўра/даляр.
Цяпер чытаюць
«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду15
Каментары