U piatnicu kurs jeŭra adnosna dalara ZŠA vyras da maksimumu za try hady, pakolki inviestary šukajuć biaśpieki ŭ inšych valutach, admaŭlajučysia ad dołara ŭ adkaz na rašeńni prezidenta ZŠA Donalda Trampa pa taryfach.
Inšyja valuty krain G10 taksama ŭmacavalisia adnosna dalara, asabliva tyja, jakija ličacca «biaśpiečnymi havaniami», takija jak šviejcarski frank i japonskaja jena, piša Delfi.lv.
Jeŭra praciahnuŭ rost, pieraadoleŭšy ŭ piatnicu padčas jeŭrapiejskich tarhoŭ adznaku 1,1450 dalara, što źjaŭlajecca samym vysokim pakazčykam za apošnija try hady.
Rost u asnoŭnym abumoŭleny źnižeńniem kursa dalara ZŠA paśla taho, jak Kitaj u adkaz pavysiŭ taryfy na amierykanskija tavary z 84% da 125%. Eskałacyja handlovaj vajny pamiž ZŠA i Kitajem uzmacniaje ryzyki recesii ŭ ZŠA, ličać ekśpierty. Tym časam jeŭra praciahvaje atrymlivać padtrymku ad zajavy Jeŭrapiejskaha sajuza ab 90-dzionnaj paŭzie ŭ taryfnych mierach u adkaz suprać ZŠA.
Inviestary čakajuć danych pa indeksie cen vytvorcaŭ u ZŠA za sakavik i spravazdačy ab spažyvieckich nastrojach u Mičyhanie, jakija buduć apublikavanyja ŭ piatnicu. Taksama zapłanavanyja vystupleńni prezidenta Fiederalnaha reziervovaha banka Sent-Łuisa Albierta Musalema i prezidenta Fiederalnaha reziervovaha banka Ńju-Jorka Džona Uiljamsa, jakich inviestary buduć uvažliva słuchać.
Kali spravazdačy pakažuć lepšyja, čym čakałasia, vyniki, heta moža pavysić kurs dalara i abmiežavać rost kursa jeŭra/dalar.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu15
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary