Мужчына падчас рыбнай лоўлі ў Браслаўскім раёне закрануў вудай электраправады, паведамляе прэс-служба Следчага камітэта.
Скрыншот з відэа
Надзвычайнае здарэнне адбылося сёння днём на рацэ Прорва. Кампанія з трох чалавек лавіла рыбу. У пэўны момант, не складаючы 8-метровую вуду, 47-гадовы мужчына стаў мяняць месца лоўлі, і гэта скончылася трагедыяй.
Па дарозе ён зачапіў снасцю правады лініі электраперадач і атрымаў моцны ўдар токам. Вуду разарвала, а на мужчыну загарэлася адзенне.
Відавочцы патушылі ўзгаранне і выклікалі хуткую дапамогу. Пацярпелага шпіталізавалі з 80% апёкаў цела.
Устаноўлена, што мужчына праігнараваў папераджальны знак аб высакавольтным напружанні, які быў на месцы рыбалкі.
Латушка абвяргае абвінавачанні ў харасмэнце ад дэлегаткі КР Карпушонак83
Каментары