Нявеста ў Гродне трапіла ў бальніцу перад самой рэгістрацыяй. Вяселле прайшло ў стацыянары
Як кажуць у медустанове, усё было вельмі хвалююча і кранальна.
У Гродне перад самым вяселлем нявеста трапіла ў бальніцу, але шлюб усё ж такі адбыўся ў прызначаны дзень — у стацыянары. Пра гэта БелТА расказалі ў Гродзенскай гарадской бальніцы хуткай медыцынскай дапамогі.
«Гэта быў адносна спакойны дзень, як раптам да нас у прыёмнае аддзяленне ўбег узрушаны жаніх: ягоная нявеста тэрмінова трапіла ў бальніцу проста перад рэгістрацыяй шлюбу», — расказалі ў медустанове.
«Рыхтаваліся да прыезду маладых, і тут раптам ускочыў узрушаны жаніх. У вачах трывога, голас дрыжыць… Нявеста тэрмінова трапіла ў бальніцу», — дапоўніла расказ медыкаў начальнік аддзела ЗАГС адміністрацыі Кастрычніцкага раёна Гродна Алена Шут.
Аднак хлопец вырашыў, што гэта не нагода пераносіць вяселле. Закаханаму жаніху ўдалося пераканаць усіх. Дзякуючы кемлівасці маладога чалавека, падтрымцы дактароў БХМД і адданасці супрацоўнікаў ЗАГСа ўрачыстасць адбылася ў тэрмін.
Вяселле прайшло проста ў стацыянары. Як кажуць у медустанове, усё было вельмі хвалююча і кранальна.
«Такія моманты застаюцца ў сэрцы надоўга — у нас, у маладых і ва ўсіх, хто быў побач», — падзяліліся ўражаннямі ў бальніцы.
Усе спадзяюцца, што маладая жонка хутка пойдзе на папраўку, бо каханне таксама лечыць і дапамагае медыкам.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно7
Каментары