Гэта 30-гадовая Рудэнка Вольга Аляксандраўна.
Паводле звестак МНС Расіі, у Боткінскую бальніцу дастаўлена 30-гадовая Рудэнка Вольга Аляксандраўна.
Пацярпелі таксама грамадзяне Малайзіі (два чалавекі) і Філіпін (адзін). Сярод загінулых ёсць грамадзянін Таджыкістана.
Боткінскую бальніцу, дзе знаходзяцца 13 пацярпелых, наведаў прэм'ер-міністр Расіі Уладзімір Пуцін, які перапыніў рабочую паездку ў Краснаярск і вярнуўся ў Маскву. Як паведамляе прэс-служба Белага дома, у бальніцу ён прыбыў з аэрапорта. У суправаджэнні міністра аховы здароўя і галоўнага ўрача бальніцы Пуцін наведаў палаты, дзе праходзяць лячэнне пацярпелыя ў тэрактах на станцыях маскоўскага метро.
Прэм'ер-міністр «пагутарыў з хворымі, пацікавіўся іх самаадчуваннем і пажадаў найхутчэйшага выздараўлення».
У гутарцы з дактарамі Пуцін, «у прыватнасці, цікавіўся, ці дастаткова медыцынскіх сродкаў і абсталявання для аказання дапамогі». Галоўны лекар бальніцы «запэўніў прэм'ера, што пацярпелыя атрымліваюць увесь неабходны догляд і ніякіх праблем ні з медыкаментамі, ні з чымсьці іншым у бальніцы няма».
Паводле інфармацыі галоўнага лекара, якую прыводзіць РІА Новости, адзін пацярпелы знаходзіцца ў вельмі цяжкім стане, тры — у цяжкім. Праапераваны чатыры чалавекі. Пяцёра знаходзяцца ў аддзяленні рэанімацыі, астатнія — у лор-аддзяленні і аддзяленні нейрахірургіі.
У канцы свайго наведвання Пуцін паведаміў прысутным, што ўсе сем'і загінулых атрымаюць кампенсацыю ў 1 млн. рублёў (прыкладна 34 тыс. даляраў ЗША), цяжка пацярпелыя — па 400 тыс., тыя, хто атрымаў лёгкія траўмы, — па 300 тыс. рублёў.
Як паведамлялася раней, два выбухі на станцыях «Лубянка» і «Парк культуры» прагучалі раніцай 29 сакавіка з інтэрвалам менш за гадзіну. Загінулі 38 чалавек, 68 — пацярпелі. Распачаты крымінальныя справы на падставе артыкула «Тэрарыстычны акт».
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары