Злучаныя Штаты Амерыкі заключылі гандлёвае пагадненне з Вялікабрытаніяй. Гэта першая дамоўленасць з дзясяткаў краін, у дачыненні да якіх ЗША нядаўна ўвялі новыя мыты. Пра заключэнне пагаднення паведаміў прэзідэнт ЗША Дональд Трамп ва ўласнай сацсетцы Truth Social.
«Улічваючы нашу шматгадовую гісторыю і агульную адданасць, для нас вялікі гонар, што менавіта Вялікабрытанія стала нашай першай здзелкай, пра якую мы абвясцілі», — напісаў Трамп.
Трамп назваў здзелку «поўнай і ўсёахопнай», якая ўмацуе адносіны паміж Вашынгтонам і Лонданам на доўгія гады ў будучыні. Ён таксама дадаў, што некалькі іншых пагадненняў знаходзяцца на прасунутым этапе перамоў і будуць заключаныя пазней.
Праўда, эканамісты папярэджваюць: гаворка ў гэтым выпадку ідзе не пра паўнавартасную гандлёвую дамову, а толькі пра папярэднюю дамоўленасць на ўзроўні адміністрацыі. Поўнафарматныя міждзяржаўныя пагадненні, як правіла, рыхтуюцца гадамі і патрабуюць ратыфікацыі парламентамі абедзвюх краін.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў1
Каментары