Расія закрые неба над Капусціным Ярам. Раней так рабілі пры атацы «Арэшнікам»
Расія закрые неба над палігонам «Капусцін Яр», з якога запускаюцца ракеты «Арэшніка». Гэта адбудзецца з раніцы 12 траўня да вечара 13 траўня, паведамляе ўкраінскі сайт «Мілітарны» са спасылкай на апавяшчэнне для пілотаў NOTAM.
Апавяшчэнне Федэральнага авіяцыйнага ўпраўлення ЗША апублікавана 8 мая. У ім гаворыцца аб поўным закрыцці неба над расійскім ракетным палігонам «Капусцін Яр» у Астраханскай вобласці з 09:00 12 траўня да 19:00 13 траўня.
Аналагічная забарона на палёты ўжо дзейнічала раней — 21 лістапада 2024 года, напярэдадні ўдару балістычнай ракетай «Кедр» («Арэшнік») па Дняпры. Тады абмежаванне доўжылася з 21 па 23 лістапада, піша «Мілітарны».
Падобнае паведамленне таксама было апублікавана 11-13 снежня з 08:00 па 12:00 па мясцовым часе, а другое — 16-21 снежня. Пасля гэтага, 13 снежня, адбыўся масіраваны ракетны ўдар па Украіне з ужываннем балістычных, крылатых і гіпергукавых ракет.
9 траўня амерыканская амбасада ў Кіеве папярэдзіла пра магчымы маштабны абстрэл Украіны.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары