У Мінску прадаецца кватэра, якая выглядае як музей савецкага жылля
На адной з пляцовак па гандлі нерухомасцю выклалі аб'яву аб продажы кватэры, якая выглядае як музей савецкага жылля. Дом, у якім прадаецца кватэра, пабудаваны ў 1990 годзе, так што фактычна гэта савецкая кватэра і ёсць, піша Blizko.by.
Кватэра знаходзіцца на трэцім паверсе 9-павярховага цаглянага дома па вуліцы Маякоўскага, 154.
Агульная плошча трохпакаёвай кватэры складае 66,55 квадратнага метра, жылая — 38,2 кв. м., кухня — 8,5 кв. м., санвузел асобны.
У кватэры выкарыстаныя інтэр'ерныя рашэнні, якія былі папулярныя ў савецкія гады. Вялікая модульная шафа з буфетам, якую называлі «сценка» або «секцыя», — ёсць. Дываны на падлозе і на сценах — ёсць. Шматлікія стэлажы і палічкі (у тым ліку падобныя да самаробных) — ёсць. Кухня, прыбіральня і ванны пакой капітальна не абнаўляліся і таксама выглядаюць у познесавецкім стылі.
Хоць можна заўважыць і сляды рамонту з абнаўленнямі. Напрыклад, у адным пакоі замест роднага паркета выкладзены ламінат. Таксама бачна, што замененыя батарэі ацяплення.
Кватэра прадаецца за 285 тысяч рублёў, ці 95 тысяч даляраў. У пераліку выходзіць, што адзін квадратны метр каштуе 1 427 даляраў.
Каментары