Ротам камуніста Сыранкова зноў укідваецца ідэя адмяніць у Беларусі прэзідэнцкія выбары
Сталініст Сыранкоў прыкрываецца інтарэсамі народа. Маўляў, неабыякавыя грамадзяне падчас дзён інфармавання нібыта кажуць, што ўсеагульныя выбары — пекла.
Першы сакратар пралукашэнкаўскай камуністычнай партыі Сяргей Сыранкоў «не выключае», што замест усеагульных прэзідэнцкіх выбараў кіраўніка Беларусі будуць абіраць на Усебеларускім народным сходзе па аналогіі з Кітаем.
Пра гэта ён заявіў, даючы інтэрв'ю міністру інфармацыі Марату Маркаву ў эфіры АНТ.
«Мы заўсёды зыходзім з інтарэсаў народа. <…> Беларусы ўжо двойчы падтрымалі прэзідэнта ў гэтым плане: па-першае, у 2024 годзе, калі дэлегаты Усебеларускага народнага сходу абралі яго старшынём УНС, а сёлета — прэзідэнтам.
Я не выключаю, што, калі з боку людзей паступіць такі запыт — а размовы пра гэта ўжо вядуцца, скажу шчыра, на дыялогавых пляцоўках і падчас адзіных дзён інфармавання, — грамадзяне задаюць пытанне: навошта праходзіць гэтыя колы пекла, калі ёсць выдатны досвед Кітая?», — сказаў Сыранкоў.
Такую ідэю Аляксандр Лукашэнка закінуў яшчэ летам 2022 года, неўзабаве пасля таго, як правёў чарговы рэферэндум па зменах у Канстытуцыю.
«Мы дарма не рызыкнулі прапанаваць людзям выбіраць органы ўлады, асабліва прэзідэнта, на Усебеларускім народным сходзе. Выбары прэзідэнта — гэта заўсёды будзе разгойдваць сітуацыю. Паглядзіце ў Кітаі: усё ж палітыка і партыйная дзейнасць — гэта таксама прафесійная праца», — казаў тады Лукашэнка. Пасля гэтага ідэолагі і палітыкі перыядычна нагадваюць пра яго думку.
Сыранкоў — настаўнік замежнай мовы з Краснаполля. Працаваў дырэктарам школы, пасля трапіў у Краснапольскі райвыканкам. У 2019-2023 быў прызначананы дэпутатам Палаты прадстаўнікоў. З 2024 — першы сакратар Камуністычнай партыі. У 2025-м быў спарынг-партнёрам Аляксандра Лукашэнкі на прэзідэнцкіх выбарах. Сыранкова паставілі на другое месца і намалявалі яму 3,2% галасоў выбарцаў.
Цяпер чытаюць
Наста Базар паступіла на праграму Каліноўскага і хоча стаць сацыялагіняй: «Вучоба пасля 40 гадоў — своеасаблівы эліксір маладосці»52
Каментары
Што да існуючага ўзурпатара, то ягоны час усе ж няўхільна коціцца да скону, гэдак жыцьце уладкавана. Таму каб прыняць ідэю выбараў без выбараў УВОГУЛЕ, то тады ўжо давайце казаць пра спадчыннасьць улады таварышы камунізды