2 чэрвеня споўнілася 6 месяцаў, як ад палітзняволенага журналіста Дзяніса Івашына няма тэлефонных званкоў, пішуць у прысвечаным яму тэлеграм-канале. Лісты і паштоўкі, калі ён не ў ШІЗА, даходзяць.
«Яшчэ адзін месяц прамінуў без тэлефоннага званка Дзяніса. Не ведаю, чаго такім чынам спрабуюць дабіцца ворагі, але, калі сітуацыя дагэтуль не мяняецца, відавочна, сваёй мэты яны не дасягаюць. Аднак яны вельмі ўпартыя, спрабуюць чыніць адно і тое ж, чакаючы іншага выніку», — гаворыцца ў канале.
Журналіст Дзяніс Івашын асуджаны на 13 гадоў і 1 месяц нібыта за здраду дзяржаве (артыкул 356 КК) і незаконны збор і распаўсюд звестак аб прыватным жыцці (артыкул 179 КК).
Да арышту ў сакавіку 2021 года Дзяніс Івашын шмат даследаваў уплыў «русского мира» на беларускіх сілавікоў, пісаў пра абарону Курапатаў і ўладкаванне ўкраінскіх беркутаўцаў у сілавыя структуры Беларусі.
Пасля некалькіх месяцаў, праведзеных у магілёўскай калоніі, у чэрвені 2023 года Дзяніса Івашына перавялі на турэмны рэжым у жодзінскую турму №8.
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары