Інцыдэнт адбыўся ў канцы мая ў Беластоку, паведамляе мясцовая паліцыя.
Фота: bialystok.policja.gov.pl
У канцы мая ў паліцыю звярнуўся грамадзянін Беларусі. Ён паведаміў, што да яго на вуліцы падышла група маладых мужчын. Адзін з іх папрасіў грошай, пацярпелы даў яму 3 злотыя. Але пасля кароткай размовы хлопец раптам ударыў беларуса ў твар і пачаў душыць. Калі мужчына апрытомнеў, то заўважыў, што з кішэні знік тэлефон коштам 500 злотых.
Справай заняліся следчыя з трэцяга аддзела паліцыі Беластока разам з крыміналістамі. Яны ўстанавілі асобу і месцазнаходжанне нападніка. Ім аказаўся 18-гадовы жыхар Заблудаўскай гміны. Яго затрымалі дома і даставілі ў паліцэйскі ізалятар.
Цяпер юнаку прад’яўлены абвінавачанні ў рабаванні, за што яму пагражае да 15 гадоў зняволення.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах11
Каментары