Свет22

У Арменіі заявілі пра прадухіленне спробы захопу ўлады

Следчы камітэт Арменіі абвінаваціў рух «Свяшчэнная барацьба» ў падрыхтоўцы тэракту. Удзельнікі і лідары руху планавалі ажыццявіць тэрарыстычныя акты і захоп улады ў Рэспубліцы Арменія, паведамляе News.am.

Баграт Галстанян, фота news.am

Паведамляецца, што ініцыятар і кіраўнік руху В.Г. (архіепіскап Баграт Галстанян), не дасягнуўшы за некалькі месяцаў мэты, пастаўленай рухам па захопу ўлады ў Рэспубліцы Арменія спосабамі, дазволенымі Канстытуцыяй, з лістапада 2024 года «паставіў перад сабой мэту дасягнуць яе спосабам, не дазволеным Канстытуцыяй Рэспублікі Арменія, і для дасягнення гэтай мэты, па папярэдняй змове з шэрагам удзельнікаў руху, набыў неабходныя сродкі і інструменты для здзяйснення тэрарыстычных актаў і захопу ўлады ў складзе групы, а таксама наўмысна стварыў іншыя ўмовы, тым самым падрыхтаваўшыся да ўзурпацыі ўлады».

Улетку 2024 года Баграт Галстанян сфармаваў рух пад назвай «Свяшчэнная барацьба» і цягам некалькіх месяцаў арганізоўваў і праводзіў мітынгі і шэсці для абмеркавання розных пытанняў, што тычацца ўнутранай і знешняй палітыкі Рэспублікі Арменія, для выказвання нязгоды прыхільнікаў руху з пазіцыямі ўрада Рэспублікі Арменія па гэтых пытаннях, каб прыцягнуць прыхільнікаў і далей узяць на сябе заканадаўчую і выканаўчую ўладу Рэспублікі Арменія.

Члены злачыннай групы прынялі рашэнне аб фарміраванні 200—250 ударных груп колькасцю да 25 чалавек з ваеннай падрыхтоўкай, у асноўным былых вайскоўцаў і супрацоўнікаў паліцыі. Паведамляецца, што кожнай з якіх была пастаўлена выразная задача, якую яны павінны былі выканаць любой цаной, не ведаючы аб задачы, якую выконваюць іншыя групы, і ходзе яе выканання, і не далучаючыся да іншых груп.

СК Арменіі заяўляе, што злачынная група планавала, што пасля фармавання ўдарных груп і атрымання неабходных рэсурсаў для выканання пастаўленых задач, пасля таго як Галстатян назаве пэўны час для збору перад урадам для выказвання свайго незадавальнення з адпаведнай нагоды, ударныя групы будуць размешчаны ў загадзя вызначаных месцах і ні пры якіх абставінах не далучацца нават да невялікага мітынгу, які фактычна праводзіўся з мэтай адцягнуць увагу ўладаў.

Члены злачыннай групы выразна планавалі, што канчатковая мэта, пастаўленая перад рухам, павінна быць дасягнута не шляхам мітынгу яго ўдзельнікаў, а шляхам правядзення загадзя прызначаных імі ударнымі групамі дзеянняў у кароткі прамежак часу, на працягу 24—36 гадзін, і стварэння некантралюемай сітуацыі ў населеных пунктах Рэспублікі Арменія, паведамляе СК Арменіі.

У Галстаняна зараз ідуць вобшукі.

Каментары2

  • Ёсік
    25.06.2025
    Ці ўсё гэта праўда, ці Пашынян хвалюецца? Мне, як беларусу, цяжка сачыць ды ацэньваць сітуацыю ў Арменіі - хто і што там робіць, гэта добра ці блага і г.д. Тыя ж армяне, як і іншыя, не разумелі беларусаў у 2020, і зараз шмат хто не разумее - сьвятло ёсьць, харчы ёсьць, вада таксама, не выбухае нічога, не страляюць, ну дык чаго ім не жывецца з лукашэнкам. Вось і зразумей, хто і за што "б'ецца" у іншай краіне.
  • даведка
    25.06.2025
    У Пашиняна уважительный повод не ехать в Беларусь, который поймёт Лукашенко.)

Цяпер чытаюць

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?26

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?

Усе навіны →
Усе навіны

Адзін укол — і слых вяртаецца. Навукоўцы зрабілі прарыў у лячэнні глухаты1

Былому намесніку начальніка расійскага Генштаба далі 17 гадоў зняволення1

«Плыве так вальяжна». У Бярозе ў возеры завялася «наша капібара» ВІДЭА

У лесе паміж Івянцом і Ракавам турысты сустрэлі рысь з рысянятамі ВІДЭА4

У Полацку жанчыну пакаралі за відэа ў тыктоку з мільённымі праглядамі3

Генадзь Туміловіч, толькі ўладкаваўшыся на працу ў Ізраілі, адразу ж уляпаўся ў скандал8

У сацсетках паскардзіліся, што міліцыя штрафуе за фатаграфаванне ў полі з васількамі. Гэта сапраўды так?5

Прэм'ер Літвы раскрытыкаваў рашэнне Польшчы ўвесці памежны кантроль5

Прапагандыстам удалося сарваць вечарыну памяці Ларысы Геніюш у Мінску3

больш чытаных навін
больш лайканых навін

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?26

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?

Галоўнае
Усе навіны →

Заўвага:

 

 

 

 

Закрыць Паведаміць