Трамп пра ідэю Маска стварыць трэцюю партыю ў ЗША: Цалкам «зляцеў з катушак»
На думку Трампа, за апошнія пяць тыдняў Маск ператварыўся ў «чыгуначную катастрофу».
Прэзідэнт ЗША Дональд Трамп раскрытыкаваў ідэю амерыканскага мільярдэра Ілана Маска і заявіў, што той «зляцеў з катушак». Пра гэта ён заявіў у сваёй сацсетцы Truth і для СМІ ў Нью-Джэрсі перад пасадкай у прэзідэнцкі самалёт да Вашынгтона.
«Мне сумна назіраць, як Ілан Маск цалкам зляцеў з катушак («off the rails»)».
Таксама, на думку Трампа, за апошнія пяць тыдняў Маск ператварыўся ў «чыгункавую катастрофу».
«Ён нават хоча стварыць трэцюю палітычную партыю, нягледзячы на тое, што такія партыі ніколі не дасягалі поспеху ў ЗША — сістэма, падаецца, не прызначана для іх. Адзіная рэч, для якой трэція партыі прыдатныя, — гэта стварэнне поўнага і татальнага хаосу…» — сказаў прэзідэнт ЗША.
Трамп заявіў, што ствараць трэцюю партыю — «гэта бессэнсоўна».
«У нас велізарны поспех з Рэспубліканскай партыяй. Дэмакраты згубілі свой шлях, але гэта заўсёды была двухпартыйная сістэма, і я думаю, што стварэнне трэцяй партыі толькі дадасць блытаніны», — лічыць ён.
«Ён [Маск] можа забаўляцца з гэтым, але я лічу гэта бессэнсоўным», — дадаў Трамп.
-
Рой пчол напаў на людзей у Францыі, 24 чалавекі пацярпелі, трое трапілі ў рэанімацыю
-
Жанчыну з Аўстраліі, якая накарміла сям'ю стравай з атрутнымі грыбамі, прызналі вінаватай. Тады памерлі тры чалавекі
-
Курсанты Разанскага вучылішча паветрана-дэсантных войск забілі свайго сяржанта, пашкодзіўшы яго парашут
Цяпер чытаюць
Ціханоўская — Трампу: Лукашэнку трэба пакараць, а не заахвочваць22
Каментары