«Гэта трэба настолькі давяраць людзям». У вёсцы на Брэстчыне адкрылі ларок самаабслугоўвання без прадаўца
У вёсцы Ракітна Лунінецкага раёна Брэсцкай вобласці з’явіўся свой аналаг крамы самаабслугоўвання, праца якой, як кажуць наведвальнікі, «пабудавана на чалавечай сумленнасці». Відэа ў тыктоку заўважыў «Тэлеграф».
На кадрах, якія выклалі наведвальнікі ў тыктоку, імправізаваны ларок самаабслугоўвання — навес, а ўнутры — па перыметры прылаўкі са свежай гароднінай і пакетамі для ўпакоўкі.
На адным са сталоў — вагі, калькулятары і скрынка, у якую пакупнікі кідаюць грошы за тавар і бяруць адтуль рэшту пры неабходнасці.
«Гэта трэба настолькі давяраць людзям! Самі набіраюць, самі ўзважваюць, самі кладуць грошы», — здзівілася такой ступені даверу да пакупнікоў аўтарка роліка.
Невядома, ці ёсць у гэтым ларку самаабслугоўвання камеры відэаназірання, якія звычайна з’яўляюцца абавязковым элементам абсталявання гандлёвых кропак, што працуюць па прынцыпе самаабслугоўвання.
А вось расплаціцца карткай, відаць, можна — на адным з кадраў відаць аб’яву з указаннем нумара разліковага рахунку, на які можна пералічыць грошы праз сістэму АРІП.
Што па цэнах?
Аўтарка роліка падзялілася і цэнамі, якія паставілі на свежую гародніну ўладальнікі ларка самаабслугоўвання:
- агуркі — 3 рублі, некандыцыя — 2 рублі,
- памідор — ад 5,5 да 7,5 рубля (у залежнасці ад гатунку),
- капуста — 2 рублі,
- бульба — 3 рублі, дробная — 2 рублі,
- цыбуля рэпчатая — 2 рублі,
- цыбуля зялёная — 1 рубель,
- буракі — 3 рублі,
- кабачок — 2 рублі.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м63
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары