У амерыканскім штаце Арызона зафіксаваны выпадак смерці чалавека ад пнеўманічнай чумы, паведамляе Бі-бі-сі са спасылкай на мясцовыя ўлады. Гэта першы смяротны выпадак гэтага захворвання ў акрузе Каканіна за апошнія 17 гадоў.
Прычыны заражэння пакуль невядомыя, але ў 2007 годзе падобны выпадак быў звязаны з кантактам з мёртвай жывёлінай, інфікаванай чумой.
Пнеўманічная чума — рэдкая, але вельмі небяспечная форма хваробы, якую выклікае бактэрыя Yersinia pestis. У адрозненне ад больш распаўсюджанай бубоннай формы, якая перадаецца праз укусы заражаных блох, пнеўманічная чума паражае лёгкія і можа перадавацца паветрана-кропельным шляхам ад чалавека да чалавека. Гэта самая цяжкая форма захворвання.
У дэпартаменце аховы здароўя акругі адзначылі, што агульная рызыка для насельніцтва нізкая. Улады выказалі спачуванні родным нябожчыка і падкрэслілі, што з павагі да прыватнасці сям'і падрабязнасці раскрывацца не будуць.
Паводле даных Бі-бі-сі, сімптомы чумы звычайна з'яўляюцца праз 2—8 дзён пасля заражэння і ўключаюць высокую тэмпературу, дрыжыкі, галаўны боль, слабасць і запаленыя лімфатычныя вузлы. Пры пнеўманічнай форме дадаюцца кашаль, боль у грудзях і цяжкасці з дыханнем.
Цяпер чытаюць
У базе сілавікоў «БЕСпарадкі» больш за 100 тысяч чалавек20
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары