«Такая праца дыскрэдытуе бязвізавы рэжым». Беларусы сцвярджаюць, што праца беларускіх мытнікаў ганебная для краіны

Людзі пачалі масава пісаць і тэлефанаваць у кіраўніцтва мытні, спрабуючы прымусіць супрацоўнікаў працаваць хутчэй, але атрымалі толькі фармальныя адказы: маўляў, трэба пісаць праз афіцыйны партал зваротаў, а не на e-mail. Таму цяпер многія беларусы спрабуюць дастукацца непасрэдна да Аляксандра Лукашэнкі, бо лічаць, што толькі ён можа нешта вырашыць.

Павялічыць

У чатах падарожнікаў людзі кажуць, што такія паводзіны мытнікаў — гэта не проста непрафесіяналізм, а фактычна сабатаж указа Лукашэнкі аб бязвізавым рэжыме. Яны сцвярджаюць: калі беларусы адкрываюць мяжу для іншаземцаў, а мытнікі працуюць так, што стаяць у чарзе трэба суткамі, — гэта сорам для краіны. Іншаземцы, якія маглі б прыехаць у Беларусь без візы, маўляў, часта адмаўляюцца ад такога намеру пасля такіх гісторыяў.

Некаторыя людзі спрабавалі напісаць зварот ці скаргу ў адміністрацыю Лукашэнкі, бо лічаць, што сітуацыя крытычная. У адным з прыкладаў, які і ў выпадку мытні, чалавек атрымаў адказ, што ягоны зварот «неправільна накіраваны», бо трэба звяртацца праз спецыяльную платформу, а не звычайную пошту. Людзі абураюцца, што гэта — толькі спроба «адпісацца» і нічога не вырашыць.

У тым жа часе ў інтэрнэт-чатах разгарэліся спрэчкі: хто вінаваты — самі мытнікі ці падарожнікі? Некаторыя ўдзельнікі сцвярджаюць, што затрымкі адбываюцца нібыта таму, што людзі прыязджаюць на мяжу без падрыхтоўкі: у машынах — куча рэчаў, адсутнічаюць запоўненыя дэкларацыі, дакументы не падрыхтаваныя. Таму мытнікам даводзіцца ўсё правяраць павольна. Маўляў, калі б людзі рыхтаваліся загадзя — працэс ішоў бы хутчэй.

Аднак іншыя адказваюць, што ўсё ж асноўная праблема — гэта дрэнная арганізацыя працы. Яны адзначаюць, што цяпер працуюць толькі чатыры пункты пропуску на межах з краінамі Еўрасаюза, іншыя закрытыя. Гэта значыць, што мытнікаў адтуль можна было б перакінуць туды, дзе нагрузка найбольшая. Замест гэтага, як кажуць людзі, мытня працуе на 40—50% ад магчымасцяў, і чэргі толькі растуць. А іншаземцы, назіраючы гэта, робяць высновы — і адмоўныя.

Некаторыя беларусы прыводзяць факты: яны рэгулярна сочаць за камерамі назірання на мяжы і фіксуюць, як аўтамабілі стаяць гадзінамі без руху, хоць машыны ёсць, але іх не прапускаюць. І гэта — не віна Літвы, якая нібыта «затарможвае працэс», бо ў зваротны бок (з Беларусі ў Літву) машыны ідуць значна хутчэй.

• 11
• 0
• 14
• 11
• 1
• 0
• 0
• 0