Украінскую дэлегацыю для перамоў з РФ у Турцыі ўзначаліць сакратар Рады нацыянальнай бяспекі і абароны, экс-міністр абароны Рустэм Умераў. У склад дэлегацыі ўвойдуць прадстаўнікі ўкраінскай разведкі, МЗС Украіны і Офіса прэзідэнта, паведаміў Уладзімір Зяленскі.
«Кіеў гатовы працаваць максімальна прадуктыўна дзеля вызвалення палонных, вяртання выкрадзеных дзяцей, спынення забойстваў і дзеля падрыхтоўкі сустрэчы лідараў дзеля рэальнага завяршэння гэтай вайны. Наша пазіцыя максімальна празрыстая. Украіна ніколі не хацела гэтай вайны, і менавіта Расія павінна завяршыць вайну, якую сама ж і пачала», — падкрэсліў прэзідэнт Украіны.
Рустэм Умераў узначальваў украінскую дэлегацыю падчас двух папярэдніх раўндаў.
Мяркуецца, што чарговы раўнд перамоваў пройдзе 23-24 ліпеня.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары