Лукашэнка: Беларусі трэба ваенная мабілізацыя, каб утрымаць эканоміку краіны ў складанай міжнароднай абстаноўцы
«Гэты і наступныя гады будуць вельмі складанымі і напружанымі», — традыцыйна заявіў палітык.
Патрэбна ваенная мабілізацыя, каб утрымаць эканоміку краіны ў складанай міжнароднай абстаноўцы, заявіў Аляксандр Лукашэнка на нарадзе з кіраўнікамі дыпламатычных прадстаўніцтваў Беларусі, піша БелТА.
«Гэты і наступныя гады будуць вельмі складанымі і напружанымі. Таму папярэджваю ўсіх прысутных, у першую чаргу службовых асоб, якія займаюцца эканомікай. Не крыўдуйце, але ціск і патрабаванні ў сувязі з гэтым будуць толькі павышацца. Не толькі падчас вайны і падчас ваенных дзеянняў даводзіцца мабілізавацца, але і ў мірны час.
Лічыце, што мы жывём у вельмі складаны мірны час, калі патрэбна ваенная мабілізацыя. Хачу, каб усе гэта засвоілі. Патрэбныя жорсткія, часам нетрадыцыйныя метады працы. Але эканоміку краіны трэба ўтрымаць. Гэта няпроста пры той ліхаманцы, якая прысутнічае на міжнародных рынках, у глабальнай эканоміцы», — сказаў Лукашэнка
«Таму толькі наперад, ніякіх тлумачэнняў. Няма выніку — прабачце, вас там няма», — падкрэсліў ён.
Каментары
Без тебя.
Свали ты уже.