На вучэннях «Захад-2025» адпрацуюць планаванне прымянення ядзернай зброі і «Арэшніка»
На вучэннях «Захад-2025» адпрацуюць планаванне прымянення ядзернай зброі і «Арэшніка». Пра гэта паведаміў міністр абароны Віктар Хрэнін па выніках закрытага дакладу Лукашэнку.
«Гэта для нас важны элемент стратэгічнага перш за ўсё стрымлівання. Як патрабуе кіраўнік дзяржавы, мы павінны быць гатовыя да ўсяго. Мы бачым абстаноўку на нашых заходніх, паўночных межах і не можам спакойна назіраць за мілітарызацыяй і ваеннай актыўнасцю. Мы дэманструем сваю адкрытасць, мірнасць, але порах заўсёды трэба трымаць сухім», — сказаў Віктар Хрэнін.
Сумеснае стратэгічнае вучэнне «Захад-2025» пройдзе з 12 да 16 верасня.
У маі Беларусь заявіла, што пераносіць вучэнні з заходніх межаў углыб краіны. «Робім у большай ступені для дэманстрацыі нашым саюзнікам і партнёрам па ўсім свеце праўдзіва міралюбнай пазіцыі Рэспублікі Беларусь», — казаў тады міністр абароны Хрэнін.
Каментары