Гендырэктар найбуйнейшага кнігагандлёвага прадпрыемства краіны «Белкніга» Уладзімір Матусевіч у інтэрв'ю БелТА расказаў, якія выданні карыстаюцца папулярнасцю.
«Абсалютны бэстсэлер — кніга «Наш прэзідэнт». Людзі выстройваліся ў чаргу, каб яе набыць. Напэўна, ніколі ў нас кніга не прадавалася такім вялікім накладам за такі кароткі час. Гэта важнае, атмасфернае і цікавае выданне, таму яго з задавальненнем набываюць многія людзі. Раней лідарам рэйтынгу самых прадаваных кніг былі выданні з серыі «Генацыд беларускага народа». Папулярнасцю карыстаецца кніга «Сімвалы суверэннай Беларусі», — сказаў Уладзімір Матусевіч.
Ён расказаў, што выклікаюць інтарэс і кнігі гістарычнай тэматыкі. Так, на Мінскай міжнароднай кніжнай выставе-кірмашы была прэзентавана кніга Ігара Марзалюка «Ад Русі і Літвы да Беларусі: вытокі і генезіс беларускага народа».
«Зараз таксама папулярныя кнігі гісторыка-краязнаўчага і гісторыка-культурнага зместу, напрыклад, выданне «Традыцыйная культура і побыт беларусаў». Інтарэс ёсць і да кулінарных традыцый. Пра іх распавяла кніга «Смак беларускай гісторыі», якая была выдадзена на беларускай, рускай і англійскай мовах. Фактычна за дзевяць месяцаў увесь яе наклад цалкам разышоўся», — расказаў Уладзімір Матусевіч.
Сярод мастацкай беларускамоўнай літаратуры застаецца попыт на нестарэючую класіку. Лідарам рэйтынгу застаецца «Дзікае паляванне караля Стаха» Уладзіміра Караткевіча, «Палеская хроніка» Івана Мележа, творы Якуба Коласа, Янкі Купалы, Максіма Багдановіча, Васіля Быкава.
«Гэта тыя аўтары, якія суправаджаюць кніжны працэс, у тым ліку гандаль, ужо не адзін дзясятак гадоў», — падкрэсліў гендырэктар «Белкнігі».
А вось попыт на маладых беларускіх аўтараў, паводле яго слоў, невысокі
«Калі параўноўваць з класікай, то попыт не такі вялікі. Зусім маладым аўтарам патрабуецца нейкі час, вялікая медыйная актыўнасць і рэклама для таго, каб яны замацавалі сваё месца як на кніжным рынку, так і ў літаратурным працэсе, свядомасці і попытам пакупнікоў. Хаця кнігі такіх ужо вядомых аўтараў, як Ганна Чыж-Літаш, Кацярына Хадасевіч-Лісовая, Алесь Бадак і Алесь Карлюкевіч разыходзяцца даволі нядрэнна», — дадаў Уладзімір Матусевіч.
-
У Музеі Вольнай Беларусі пакажуць 19 арыгінальных літаграфій Напалеона Орды
-
Цырульнік і пісьменнік Сяргей Календа: «Ёсць людзі, якія кажуць: «Пасля такой кнігі я б не пайшоў да вас стрыгчыся»
-
На дзяржаўным тэлебачанні прагучала «Купалінка» — яе выканаў сербскі іераманах, які шмат гадоў жыве ў Беларусі
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў12
Каментары