Сталічны заамагазін «Прырода» на праспекце Незалежнасці, 89, выстаўлены на продаж, піша Office Life.
Магазін працуе з 1994 года, то бок больш за 30 гадоў. У аб’яве яго называюць «знакавым месцам з гісторыяй і сталым патокам кліентаў».
Агульная плошча памяшкання — 398,5 кв. м. Магазін размешчаны на першым паверсе жылога дома, але ўваход асобны — з праспекта.
За яго просяць каля 74,5 тыс. рублёў, або $25 тыс.
Асобная ўвага надаецца вітрынам крамы. Як адзначаецца ў аб’яве, амаль усе шкляныя паверхні заняты рэкламнымі банерамі ад вядомых брэндаў заатавараў. У выніку рэкламная плошча не патрабуе ўкладанняў з боку ўласніка — наадварот, кампаніі-брэнды самі вырабляюць друк, мантаж і абнаўленне сваіх матэрыялаў на партнёрскіх умовах.
Памяшканне падыходзіць як для захавання фармату, так і для маштабавання пад франшызу, клініку, маркет або шматфункцыянальны цэнтр.
Паведамляецца, што бізнес цалкам гатовы да перадачы: супрацоўнікі, таварныя рэшткі, база пастаянных кліентаў, лагістыка з праверанымі пастаўшчыкамі. Магчымы таксама пераход арэнды або абмеркаванне продажу з памяшканнем (па асобным пагадненні).
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў10
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1717
Каментары
Сама крама піша пра 1972 г. заснавання, у 2022 г. пісала пра 55 год працы (што пасля паўтаралі без змены лічбы) - 1967 г.
У даведніку па Мінску на 1.01.1967 крама ўжо была.
Калі толькі ў 1994-м мог змяніцца набор памяшканняў пад краму у доме 89. Бо раней там была і "Дыетычная сталовая". Пра гэта можа сведчыць і дадатак ад прадаўца "працуе ў гэтай лакацыі".