13-гадовая дзяўчынка хацела ачысціць твар энзімнай пудраю і трапіла ў рэанімацыю
У Гродне дзяўчынка купіла ў краме энзімную пудру для ачысткі твару і адслойвання скуры і атрымала моцны хімічны апёк. Пра здарэнне піша Newgrodno.by.
Мама дзяўчынкі Алена распавяла, што адразу ж пасля выкарыстання твар у дзіцяці пачаў ацякаць. У паліклініцы спачатку сказалі, што гэта харчовая алергія. Зрабілі ўкол антыгiстамiннага сродку. Але даволі хутка дзяўчынцы стала горш.
Ацёк увесь твар, з’явіліся пякучыя болі, давялося выклікаць хуткую дапамогу.
Неўзабаве дзяўчынку паклалі ў рэанімацыю з хімічным апёкам твару. Скура пачала проста адслойвацца.
Зараз з дзяўчынкай усё ў парадку. Але засталіся невялікія шнары па баках твару і на носе. Ні ў краму, ні да вытворцы сям’я звяртацца не стала. Аднак цяпер і мама, і дачка цалкам перасталі карыстацца любымі сродкамі для догляду.
Усё адбылося яшчэ на пачатку года. Маці дзяўчынкі вырашыла распавесці пра гэта цяпер, бо захацела папярэдзіць і дзяцей, і бацькоў, што трэба быць больш уважлівымі.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары