14 верасня 2025 года спаўняецца 60 гадоў Лявону Вольскаму — вядомаму беларускаму музыканту, паэту, пісьменніку і мастаку.
Лявон Вольскі нарадзіўся ў Мінску 14 верасня 1965 года ў творчай сям’і: яго бацька — пісьменнік Артур Вольскі, маці — паэтэса Святлана Яўсеева. Лявон стаў адным з найважнейшых дзеячаў беларускай музыкі новага часу. Ён быў заснавальнікам і ўдзельнікам некалькіх вядомых гуртоў, такіх як «Мроя», N.R.M., «Крамбамбуля», а таксама ўдзельнічаў у гуртах «Новае Неба» і «Zet».
Сёння Лявон Вольскі святкуе юбілей! Легендзе беларускай музыкі — 60 гадоў!
Асаблівую вядомасць яму прынёс ўдзелу ў стварэнні «Народнага альбому» — сумеснага праекта беларускіх музыкаў, для якога Вольскі напісаў пераважную частку музыкі і аранжыровак.
Сярод яго самых культавых песень — «Тры чарапахі», «Партызанская», «Паветраны шар», «Я нарадзіўся тут», «Абсэнт», «Госці» і шмат іншых.
За сваю творчую дзейнасць ён быў уганараваны міжнароднай прэміяй FreeMuse Awards.
Узнагароджаны медалём 100 гадоў БНР Рады Беларускай Народнай Рэспублікі.
Напрыканцы 2023 года беларускія судовыя ўлады прызналі старонкі Вольскага ў сацсетках экстрэмісцкімі матэрыяламі.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Цяпер чытаюць
Архітэктар назваў тое, што зрабілі ў Нясвіжы, «карным добраўпарадкаваннем»1
Каментары
Зычу доўгіх гадоў жыцця , плённай творчай працы і вяртання на Радзіму.
Для вельмі многіх Вы ўжо даўно Народны Артыст.