Праз расійскія авіяўдары па Украіне ноччу Польшча паднімала авіяцыю і прыводзіла войска ў гатоўнасць
У сувязі з паветранай актыўнасцю дальняй авіяцыі Расійскай Федэрацыі, якая наносіць удары па тэрыторыі Украіны, Польшча паднімала самалёты ВПС краіны і саюзнікаў па НАТА.
Як паведамляе Аператыўнае камандаванне Узброеных сіл Польшчы, былі задзейнічаны дзяжурныя пары знішчальнікаў, а наземныя сістэмы супрацьпаветранай абароны і радыёлакацыйнага выведвання пераведзены ў стан найвышэйшай баявой гатоўнасці.
Згодна з паведамленнем, усе дзеянні насілі прэвентыўны характар і былі скіраваныя на забеспячэнне бяспекі паветранай прасторы і абарону грамадзян, асабліва ў рэгіёнах, што мяжуюць з тэрыторыямі пад пагрозай.
Польскае камандаванне падкрэсліла, што сітуацыя знаходзіцца пад пастаянным кантролем, а задзейнічаныя сілы гатовыя да неадкладнай рэакцыі.
Цяпер чытаюць
Чаго чакае Польшча ад Мінска і ці закрые зноў мяжу на гэтым тыдні?16
Каментары