У Польшчы перахапілі адразу некалькі метэазондаў з кантрабандай з Беларусі
Польскія памежнікі паведамілі пра некалькі спробаў кантрабанды цыгарэт з Беларусі з дапамогай метэазондаў. На працягу выхадных супрацоўнікі Падляшскага аддзела памежнай аховы перахапілі груз тытунёвых вырабаў на суму каля 185 тысяч злотых (звыш 40 тысяч еўра).
Каля Беластока затрымалі двух грамадзян Польшчы, якія прыехалі забраць нелегальныя перасылкі. У іх машыне знайшлі цыгарэты з беларускімі акцызамі на суму 26 тысяч злотых (каля 7,1 тысячы даляраў). Іншыя партыі кантрабанды знайшлі каля вёскі Ялоўка.
Каля вёскі Сокал памежнікі адшукалі рэшткі метэазонда з прымацаванымі 1500 пачкамі цыгарэт. Падобныя выпадкі зафіксаваныя таксама ў раёне Страшава і Крынак.
З пачатку года ў Падляшскім ваяводстве зарэгістравана больш за 100 спробаў кантрабанды паветранымі шарамі. Агульная вартасць канфіскаваных цыгарэт перавышае 2,5 мільёна злотых (прыкладна 686 тысяч даляраў).
Метэазонд з беларускімі цыгарэтамі прызямліўся проста каля гіпермаркета ў Беластоку
У Латвіі на мяжы з Беларуссю знайшлі аэрастаты з кантрабандай
Літоўскім памежнікам паўгода таму дазволілі страляць па метэазондах з беларускай кантрабандай, але тыя пакуль ні разу не стралялі
У Польшчы метэазонд з цыгарэтамі з Беларусі прабіў дах дома
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2121
Каментары