Зяленскі: Пасля маёй сустрэчы з Трампам у нас можа з'явіцца нешта большае
Украіна запускае па Расіі 100‑150 дронаў у дзень, але пасля сустрэчы прэзідэнта Украіны з Трампам яна, магчыма, будзе мець большыя магчымасці, заявіў Уладзімір Зяленскі падчас сустрэчы з журналістамі па выніках саміту ў Капенгагене. Ён праводзіў прэс-канферэнцыю сумесна з прэм'ер-міністаркай Даніі Метэ Фрэдэрыксэн.
«Крыху больш за год таму ў нас не было магчымасцяў для адказу. Калі вы памятаеце, Расія здзяйсняла блэкаўты ва Украіне і іншыя жудасныя рэчы. Цяпер у нас ёсць магчымасць адказаць. І яны адчуваюць нашы моцныя адказы», — сказаў Зяленскі.
«Яны выкарыстоўваюць штодня па 500‑600 дронаў, а мы — 100-150. Гэта пытанне фінансаў. Я размаўляў з партнёрамі. Павялічыўшы фінансаванне, мы павялічым магчымасці і будзем супастаўныя з дальнабойнымі дронамі. І ў Расіі будзе больш пытанняў ад свайго грамадства да сваіх лідараў. Гэта важна», — адзначыў прэзідэнт Украіны.
«Дагэтуль мы выкарыстоўвалі толькі нашу дальнабойную зброю для ўдараў па Расійскай Федэрацыі. Але пасля маёй сустрэчы з Трампам, магчыма, у нас з'явіцца нешта большае. Я не ведаю, пабачым», — падкрэсліў ён.
Зяленскі таксама адзначыў, што Украіна б'е па інфраструктурных аб'ектах Расіі не проста так, а адказвае ўдарамі пасля атак на сваю тэрыторыю.
Ён заклікаў узмацніць ціск на Расію і хутка прыняць 19‑ы пакет санкцый Еўрасаюза. У фокусе ўвагі мусіць аказацца расійскі танкерны флот.
Таксама Уладзімір Зяленскі падтрымаў ідэю сумеснай еўрапейскай абароны ад дронаў і заявіў пра гатоўнасць украінскіх вайскоўцаў з досведам працы з дронамі дзяліцца ведамі.
Ціханоўская пагутарыла з Зяленскім на саміце ў Капенгагене
Генштаб УСУ прыгразіў Пуціну блэкаутам у Маскве ў выпадку працягвання ўдараў па энергетыцы Украіны
Расійскія ракеты навучыліся абыходзіць Patriot: абарона Кіева слабее
«Я ўмею забіваць. Тут мяне за гэта не асудзяць». Ва УСУ таксама служаць зняволеныя, якія прамянялі турму на поле бою
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары