У Быхаве загадчыца аптэкі праз махінацыі з лекамі прысвоіла амаль 100 тысяч рублёў
У Быхаве загадчыца аптэкі трапіла пад крымінальны пераслед за прысваенне грошай праз махінацыі з рэцэптамі і продажам лекаў. Паводле інфармацыі пракуратуры Магілёўскай вобласці, у суд перададзена справа аб крадзяжы ў асабліва буйным памеры шляхам злоўжывання службовымі паўнамоцтвамі.
Згодна з матэрыяламі справы, са студзеня 2020 года па снежань 2024‑га жанчына, будучы службовай асобай, сістэматычна хавала продаж лекаў за наяўныя. Яна не выбівала пакупнікам касавыя чэкі, а ў базу ўносіла хлуслівыя звесткі, нібыта прэпараты выдаюцца бясплатна па рэцэптах.
На падставе гэтых фальшывых даных Быхаўская раённая бальніца пералічвала грошы з раённага бюджэту на рахунак «Магілёўскага РУП «Фармацыя» нібыта для пакрыцця льготных рэцэптаў. Такім чынам бюджэту была нанесена шкода больш як на 95,7 тысячы рублёў.
Частку сумы фігурантка ўжо вярнула.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары